Eng oson zikrlar (taxorat shart emas)

Eng oson zikrlar (taxorat shart emas)
Eng oson zikrlar (taxorat shart emas)


Allohning zikri ulug‘ fazilat bo‘lishiga qaramay, Alloh taolo uni shunday oson qildiki, uni qilish uchun biror narsa shart emas. Agar tahorat bilan qiblaga yuzlanib, fikrni bir joyga qo‘yib, zikr qilishga qodir bo‘lsa, juda yaxshi. Lekin uning iloji bo‘lmasa, aylanib, yurib, turib, o‘tirib va ish qilib bo‘lsa ham, har holatda bu ibodatni qilish mumkin. Bu ibodat uchun tahorat ham shart emas.

Balki janobat va hayz hollarida ham zikr qilish joiz. Faqat yalang‘och holatda, najosat o‘rnida, masalan hojatxonada til bilan zikr qilish durust emas. U vaqtda ham qalb bilan zikr qilish joiz. Shuning uchun inson ushbu ulug‘ ibodat savobini har vaqt biror xos mehnat va mashaqqatsiz qo‘lga kirita oladi.

Munosib gap shuki, ertayu kech bir oz vaqt ajratib, qoidaga binoan tahorat bilan qiblaga yuzlanib, xayolni bir joyga qo‘yib zikr qilsa va boshqa vaqtlarda aylanib, yurib, yotib, o‘tirib zikr aytsa, ne’mat ustiga ne’mat bo‘ladi.
Bir necha qisqa zikrlar quyida keltiriladi. Aylanib, yurib bo‘lsa ham, ularni tilda aytib yurib, ularni tilning virdiga aylantirib olinadi.
☘1. Hadisda Rasululloh sollallohu alayhi vasallamning ko‘rsatmalari borki, Alloh taolo huzurida eng mahbub to‘rt so‘z bor:

سُبْحَانَ اللهِ، وَالْحَمْدُ للهِ، وَلاَ إِلَهَ إِلاَّ اللهُ، وَاللهُ أَكْبَرُ

«Subhanallohi, valhamdulillahi, va laa ilaaha illallohu vallohu akbar»

Ma’nosi: «Alloh barcha aybu nuqsondan pokdir. Unga hamd bo‘lsin. Allohdan o‘zga iloh yo‘q va Alloh ulug‘dir»
📚(Muslim rivoyati).

🌼2. Hadisda kelishicha, ikki so‘z Rohmanga juda mahbub, tilga yengil, amal tarozisida esa og‘irdir:

سُبْحَانَ اللهِ وَبِحَمْدِهِ، سُبْحَانَ اللهِ الْعَظِيْمِ

«Subhanallohi va bihamdihi, subahanallohil ’aziym»

Ma’nosi: «Alloh barcha aybu nuqsondan pokdir. Unga hamd bo‘lsin. Ulug‘ Alloh pokdir» 📚(Buxoriy va Muslim rivoyati).

☘3. Hadisda borki, «Laa havla va laa quvvata illa billaah» ni ko‘p o‘qinglar. Chunki bu so‘zlar jannat xazinalaridan bir xazinadir (Mushkot).

Ma’nosi: «Toatga ham, gunohdan saqlanishga ham quvvat faqat Alloh tomonidandir».

🌼4. Hadisda kelishicha, qaysi shaxs tongda quyidagi so‘zlarni o‘qisa, bas, unga Ismoil alayhissalomning farzandlaridan o‘nta qulni ozod qilgan kishining savobi yetadi, o‘nta savob yoziladi, o‘nta gunoh afv etiladi, o‘n daraja ko‘tariladi va shomgacha u shayton yomonligidan saqlanadi va shu so‘zlarni shomda aytsa, bas, tonggacha yuqoridagi foydalar hosil bo‘ladi.

لاَ إِلَهَ إِلاَّ اللَّهُ وَحْدَهُ لاَشَرِيكَ لَهُ، لَهُ الْمُلْكُ، وَلَهُ الْحَمْدُ، يُحْيِي وَيُمِيتُ وَهُوَ عَلَى كُلِّ شَيْءٍ قَدِيرٌ.

«Laa ilaaha illallohu vahdahu laa shariyka lah, lahul mulku va lahul hamd, yuhyi va yumiytu va huva ’ala kulli shay’in qodir»

Ma’nosi: «Allohdan o‘zga iloh yo‘q. U yolg‘iz, sheriksiz Zotdir. Mulk ham, hamd ham Unikidir. (U) tiriltiradi va (U) o‘ldiradi. U har bir narsaga qodirdir»

📚 (Abu Dovud rivoyati).

حَسْبِيَ اللَّهُ، لاَ إِلَهَ إِلاَّ هُوَ، عَلَيْهِ تَوَكَّلْتُ، وَهُوَ رَبُّ الْعَرْشِ الْعَظِيمِ

«Hasbiyalloh, laa ilaha illa hu, ’alayhi tavakkaltu va huva Robbul ’arshil ’aziym»
Ma’nosi: «Alloh menga kifoya qilguvchidir. Undan o‘zga iloh yo‘q. Unga tavakkal etdim va U ulkan Arshning Parvardigoridir».

Mol-mulk, bola-chaqa shu hayoti dunyo ziynatidir

«Mol-mulk, bola-chaqa shu hayoti dunyo ziynatidir. Parvardigoringiz nazdida esa (abadiy)qolguvchi yaxshi amallar savobliroq va orzuliroq(orzu qilishga arzirliroqdir)» (Kahf: 46)....

Namozning fazilatlari

Alloh buyuradi___ — Bas, qachon xotirjam bo‘lgach, namozni to‘kis ado etingiz. Albatta, NAMOZ mo‘minlarga tayinlangan vaqtlarda FARZ qilindi......

Juma haqida

✨1. Solihlardan biri: "Kimning jumasi maqbul bo‘lsa, haftasining qolgan kunlari ham maqbul bo‘ladi", degan ekanlar. ✨2. Solihlardan biri dedi: "Juma kuni asr bilan shom orasida duo qilganimda Rabbim duolarimni ijobat qilaverganidan, hatto (Rabbimdan biron narsa so‘rashga) uyaladigan bo‘lib qoldim"......

Hech qachon bu olti ishni qilma:

- Kimdir sen bilan qolishi uchun yolvorma... -Sen bilan suxbatlashishlari uchun majburlama.. -Insonlarni e’tiborlarini tortish uchun aslo uzgarma.. -Haq ekaninga ishontirma.. - Uz qadringni oyoq osti qildirma.. -Sendan foydalanishlariga aslo yul quyma..!...

Makka davri uch bosqichga bo‘linadi

1) fatratul vahiy va maxfiy da’vat bosqichi — qariyb 3 yil davom etgan (hijratdan avvalgi 13-yil, nubuvvatning 1-yili ramazon oyidan boshlanib, hijratdan avvalgi 10-yil, nubuvvatning 4-yilida tugaydi / mil. 610 yil avgust — 613 yil)......

Jannat xushxabari berilgan o‘n sahoba

Alloh taolo barcha sahobalardan rozi bo‘lsin! Asharai mubashshara bil jannah (Jannat xushxabari berilgan o‘n sahoba)......

Allohning inson organizimidagi mo'jizalari

🍃1. Odam miyasi sig‘imi 4 terabaytdan ko‘proqdir... 🍃2. Chaqaloq 7 oylikkacha bir vaqtning o‘zida ham sutni yutib, ham nafas ola biladi... 🍃3. Samolyotda uchish jarayonida odam sochi yerdagiga nisbatan ikki karra tezroq o‘sa boshlaydi......

🌱Rizq Allohdan...

Naql qilishlaricha, Sulaymon alayhis salom dengiz sohilida o‘tirgan edilar, to‘satdan bug‘doy donini ko‘tarib, dengiz tomon o‘rmalayotgan chumoliga ko‘zlari tushib qoldi......

📙Qarzdan qutilish duosi.

26. Aytgin: «Allohim! Barcha podshohlikning egasi! Xohlagan kishingga podshohlik berursan va xohlagan kishingdan podshohlikni tortib olursan, xohlagan kishingni aziz qilursan, xohlagan kishingni xor qilursan. Barcha yaxshilik Sening qo‘lingda. Albatta, Sen har bir narsaga o‘ta qodirsan.27. Kechani kunduzga kiritursan va kunduzni kechaga...

Besh narsa besh narsa bilan kattalashadi

🌱🌹Besh narsa besh narsa bilan kattalashadi: 1) Gulxan – o‘tin bilan; 2) Shubha – gumon bilan; 3) Qo‘pollik – yomon muomala bilan;......

Fikr qo'shish