Ona faryodi ota-ona haqida she'r

Ona faryodi
Ona faryodi


Tor qornimda to‘qqiz oy yashab,
Va tug‘ulding guldayin yashnab.
Bugun esa ko‘zlarim yoshlab,
Oqibating shumidi bolam?!

Ko‘zim yoshlab, yuragim dog‘lab.
Hijronlarga vujudim bog‘lab.
Mehribonlik uyiga joylab,
Oqibating shumidi bolam?!

O‘z-o‘zimni so‘roqlab pinhon,
Deyman qayda adashdim, qachon?
Ko‘zlarimda yosh marjon-marjon,
Oqibating shumidi bolam?!

Bo‘lsin debon quvvat hamda qut,
Ko‘krak tutib bergandim-ku sut.


Naxot bari bo‘ldimi unut,
Oqibating shumidi bolam?!

Alla aytib boshing silardim.
Yaratgandan baxting tilardim.
Faqat mehring umid qilardim,
Oqibating shumidi bolam?!

Otangdan so‘ng tul bo‘lib qoldim.
Parvarishsiz gul bo‘lib qoldim.
Ichim yonib kul bo‘lib qoldim,
Oqibating shumidi bolam?!

Ko‘zga yaqin bo‘ldi deb bolam,
Tuf-tuf derdim, ortingdan har dam.
Dod, men uchun tor bo‘ldi olam,
Oqibating shumidi bolam?!

Mehribonlik uyi-mehrli.
Men kabilar bunda qadrli.
Diydang buncha qattiq qahrli,
Oqibating shumidi bolam?!

Mayli meni olib ketmagin,
Men-la o‘zing abgor etmagin.
Faqat bitta iltimosim bor,
Bolajonim, kel rad etmagin.

Bu yer yozda issiq bo‘larkan,
Konditsioner kerak bo‘larkan.
Puling ko‘p-ku, hamma xonaga,
Konditsioner qo‘ysang bo‘larkan.

Men-ku o‘rganib qoldim xozir,
Biroq bolam, sen sal besabr.
Sen ham bir kun, kelasan axir,
Oqibating shu yerdir bolam.

Ona yuring XAJGA boramiz

Mexr qo'yib yolg'on dunyoga, Qachongacha davron suramiz? Sajda qilib Qodir Hudoga, Ona yuring XAJGA boramiz!......

Duosini olib qolgin

Onang kelsa yo'llarini, Mehir bilan kutib olgin, Taob qilib qo'llarini, Duosini olib qolgin......

Kechiring ona...

Nozik qo'lingizda gulmas qadoqlar Mendan topganingiz faqat g'amxona Men sabab sochingiz bosibdi oqlar Farzand bo'lolmadim kechiring Ona......

Ona va farzand suxbati

–O'g'lim, agar mening ko'zlarim nurini yo'qotsa, nima qilasan? –Sizni yurtimizdagi eng yahshi shifohonoga olib boraman, onajon. –Agar meni u erda davolay olishmasa-chi, bolam? –U xolda sizni dunyodagi eng yahshi shifohonaga olib boraman, onajon. –Ular xam meni davolay olishmasa-chi, o'g'lim? –U xolda sizga umr bo'yi g'amho'rlik qilaman, onajon......

Otam bilan Onamni asragin Alloh

Egilmasin Otamning mag'rur boshlari Oqmasin Onamning ko'zdan yoshlari Iltimos faqatgina o'zing bo'l panoh Otam bilan Onamni asragin Alloh...🙏...

Onajon bir sendek inson ko'rmadim

Xech kimsa bo'lolmay sendek birdona Xech kimsa turolmas sabr mardona Jonini berolmas takror yana yana Onajon bir sendek inson ko'rmadim....

Yuragimga yaqin durdonam onam

Yuragimga yaqin durdonam onam! Asrab avaylagan yagonam onam! O'ziga sevdirib o'rgatib qo'yib! Endi tashlab ketmang' Yagonam onam...!...

Chidaysan bolam - Ona haqida juda ta’sirli she’r

Jismimni ko‘tarib turibdi tuproq, Yerning ustidaman, yo‘q zarra nolam. O‘zi chorlar bir kun bag‘riga, biroq, Mensiz qolganingda chidaysan, bolam......

Boylik armon bo'lsa ham

Boylik armon bo'lsa ham Jannat armon bo'lmasin Dunyo ko'z yosh toksa ham Ona ko'z yosh to'kmasin....

Musofir o'g'lingiz sog'indi ona

Begona yurtlarda farishta yuzni Tushda ham ko'rmadim hatto bir bora Har kungidan ko'proq, har kuni sizni Musofir o'g'lingiz sog'indi ona......

Izohlar 1

  1. Офлайн
    Навбахор
    Навбахор 28 ноября 2021 20:13
    Юрагим тулкинланиб кетди шеър муалифига минг ташакур

Fikr qo'shish