🌱🌹IYMON qadrini bilamizmi?
Bir da’vatchi domla hikoya qiladi:
Amerika viloyatlaridan birida qaysidir bir mavzuda ma’ruza qilayotgan edim, ma’ruzam asnosida bir kishi o‘rnidan turdida:
- Domla, bu kishiga kalimai shahodatni aytdirib, talqin qilib yuborsangiz, – deb, yonida o‘tirgan amerikalik - sariqdan kelgan kishiga ishora qildi.
Men xursand bo‘lganimdan: "Allohu akbar" deb yubordim. Zero, Islom ne’mati Alloh yorlaqagan kishilargagina nasib bo‘ladigan bebaho bir gavhar...
Amerikalik yonimga kelib, odamlar ro‘baro‘sida turgach, so‘radim:
- Sizni bu Dinga kirishga nima undadi, undagi qaysi narsa o‘ziga jalb qildi?
- Men anchagina boy odamman, shirkatlarim, boyliklarim ko‘p, biroq hech vaqt ich-ichdan qalbimda baxt tuyg‘usini, saodat shuurini tuymas edim... Qo‘l ostimda bir Hindistonlik ishchi shirkatimda ishlar, ozgina oylik olar edi.. Qachon oldiga bormay, uni doim jilmaygan, xotirjam holda ko‘rardim...
Men - millionlar sohibi esa o‘sha ko‘rimsiz kambag‘alchalik hech vaqt jilmaya olmayotganligim meni juda taajjubga soldi..
O‘zimga-o‘zim: Pullar, shirkatlar egasi men bo‘lsamu, mana bu qashshoqning yuzidan tabassum arimasa?! dedim. Go‘yo bu yerda bir sir bordek tuyular, har ko‘rganimda o‘sha sirni ochishga, haqiqatidan voqif bo‘lishga ishtiyoq menda ortar edi...
- Nega doim jilmayib yurasiz, bunda biror sir bormi?
U o‘zining odatdagi jilmayishida davom etib, xotirjamlik bilan, soddagina qilib:
- Chunki men Alxamdullilox musulmonman, "La ilaha illalloh, Muhammad Rosullulloh" deb guvohlik berganman, - dedi...!
- Bu degani – musulmon doim baxtli, doim xotirjam deganimi?
- Albatta!
- Qanday qilib axir?
- Chunki suyukli payg‘ambarimiz bizga shu hadisni aytib o‘tib ketganlar:
"Mo‘’min ishi juda ajoyib-da.. Uning barcha ishlarida yaxshilik bor, qanday ahvolda bo‘lmasin, yaxshilik uni tark etmagay: Qiyinchilik, g‘am-qayg‘u yetadigan bo‘lsa, sabr qiladi, yaxshilik ko‘radi.. Yengillik, xursandlik yetadigan bo‘lsa, shukr qiladi, yaxshilik ko‘radi.."
Hayotimiz shu ikki narsadan xoli emas – g‘am-qayg‘uyu xursandlik..
Og‘irligu yengillik..
Baxt ustiga baxt.. Ayting, baxt bu – qalb sokinligi, dil osoyishtaligi emasmi?
U gapini o‘sha odatdagi shirin tabassumi ila tugatar ekan, men qat’iy qarorga kelib ulgurgan edim:
- Men bu dinga kirmoqchiman.
- Juda oson, o‘sha yuqorida men aytgan kalimai shahodatni keltirasiz..
Mana, o‘sha kalimani aytish uchun yoningizda turibman...
Yuragim bir to‘lqinlanib, odamlar oldida unga shahodatni o‘rgatib turdim, amerikaliklarga xos buzib-buzib, tili arang kelib, shahodatni aytdi-da, so‘ng ich-ichidan kelgan yig‘isini tutolmadi, ho‘ngrab yubordi.. Yupatmoqchi bo‘lib kelganlarga: "Qo‘yinglar, ko‘nglini bo‘shatib olsin", dedim.
Yig‘idan to‘xtagach, biroz o‘ng‘aysizlikka tushib, sababini bayon qildi:
- Shu vaqtga dovur qalbimga bu qadar osoyishtalik, surur kirmagan edi, buni ilk bor sezish kishini juda hayajonga solib yuborar ekan...
Ha.. Dil oromi, qalb lazzati Qalb osoyishtaligi Qur’on tilovati, namoz, ro‘za, sadaqayu ehsonlar, bir so‘z bilan aytganda..... Imon Islom dini naqadar go‘zalligini his ettiradi...
Dil oromi uchun... Har kuni La Ilaha Illallox kalimasini zikr etib qo‘ying... Yangitdan tug‘ilgandek bo‘lasiz..