Istig‘for duolari va ularning o‘qilishi va tarjimalari:

1 - غفرانك

O‘qilishi: G‘ufronaka

Ma’nosi: Allohim men Sendan mag‘firatingni so‘rayman.

2 ـ أستغفر الله

O‘qilishi: Astag‘firulloh

Ma’nosi: Allohdan mag‘firat qilishini so‘rayman.

3 ـ أستغفر الله العظيم الذي لا إله إلا هو الحيَّ القيوم وأتوب إليه

O‘qilishi: Astag‘firullohallaziy laa ilaha illa huval Hayyul Qoyyum va atubu ilayh.

Ma’nosi: Hay (Tirik) va Qayyum (Abadiy) sifatli Zotdan o‘zga iloh yo‘q, Unga istig‘for aytaman va Unga tavba qilaman.

4 ـ ربِّ اغفر لي وتُب عليَّ إنك أنت التواب الرحيم

O‘qilishi: Robbig‘fir liy va tub ’alay, innaka antat Tavvaabur Rohiym.

Ma’nosi: Allohim, meni (gunohlarimni) kechir, tavbamni qabul et! Zero, Sen tavbalarni qabul qiluvchi, Mehribon Zotsan!

5 ـ اللهمَّ اغفر لنا وارحمنا وتُب علينا إنك أنت التواب الرحيم
O‘qilishi: Allohummag‘firlanaa varhamnaa va tub ’alaynaa innaka antat Tavvaabur Rohiym.

Ma’nosi: Allohim bizni (gunohlarimizni) kechirgin va bizga rahm qil, tavbalarimizni qabul et? Albatta, Sen tavbalarni qabul qiluvchi, Mehribon Zotsan!

6 ـ اللهم إني ظلمت نفسي ظلماً كثيراً، ولا يغفر الذنوب إلا أنت فاغفر لي مغفرة من عندك، وارحمني إنك أنت الغفور الرحيم

O‘qilishi: Allohumma inniy zolamtu nafsiy zulman kasiyron va laa yag‘firuz-zunuuba illa anta. Fag‘firliy mag‘firotan min ’indika varhamniy, innaka antal G‘ofurur Rohiym.

Ma’nosi: Ey Alloh! Albatta, men o‘z nafsimga ko‘p zulm qildim. Gunohlarni faqatgina Sen mag‘firat qilasan. Bas, huzuringdan bo‘lgan mag‘firat ila meni mag‘firat etgin va menga rahm qilgin! Albatta, Sen G‘ofur, Rohiym Zotsan.

7 - اللهم أنت ربي لا إله إلا أنت خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوءُ لك بنعمتك عليَّ وأبوء بذنبي فاغفر لي فإنه لا يغفر الذنوب إلا أنت

O‘qilishi: Allohumma anta robbiy, laa ilaaha illaa anta xolaqtaniy, va ana ’abduk, va ana ’alaa ’ahdika va va’dika mastato’tu, auuzu bika min sharri maa sona’tu, abuu-u laka bini’matika ’alay, va abuu-u laka bizanbiy, fag‘firliy fainnahuu laa yag‘firuz-zunuuba illaa ant.

Ma’nosi: Yo Alloh, Sen Parvardigorimsan. Sendan o‘zga iloh yo‘q. Meni yaratgansan. Men Sening bandangman. Kuchim yetganicha Senga bergan ahdimda, va’damda turaman. O‘zim qilgan ishlar yomonligidan panoh berishingni so‘rayman. Bergan ne’matlaringni e’tirof etaman, gunohlarimni tan olaman. Shunday ekan, meni kechir! Zero, gunohlarni faqat Sen kechirasan!

Majlisdan turganda o‘qiladigan duo:

سُبْحَانَكَ اللَّهُمَّ وَبِحَمْدِكَ أَشْهَدُ أَنْ لاَ إِلَهَ إِلاَّ أَنْتَ أَسْتَغْفِرُكَ وَأَتُوبُ إِلَيْكَ.

O‘qilishi: Subhaanakallohumma va bihamdika, ashhadu allaa ilaaha illaa anta astag‘firuka va atuubu ilayk.

Ma’nosi: Yo Alloh! Sen (barcha ayb-nuqsonlardan) Poksan. Senga hamd aytaman. Sendan o‘zga iloh yo‘qligiga guvohlik beraman. Sendan mag‘firat so‘rayman va tavba qilaman!