Bandalik haqqi (burchi)
Abu Ayyub Ansoriydan rivoyat qilinadi___
Alloh Rasuli (s.a.v.) aytdilarki___
— Bir musulmonning boshqa bir musulmon birodaridan uch kundan ortiq gaplashmay ketishi, u bilan uch kundan ortiq araz bo‘lishi joiz emas.
Va yana bir-birlari bilan uchrashib qolganda, biri yuzini u tarafga, ikkinchisi yuzini bu tarafga o‘girgancha o‘tib ketishi ham joiz emas.
Ulardan qay biri yaxshiroq bo‘lsa, ikkinchisiga birinchi bo‘lib salom beradi va so‘z boshlaydi.
Rivoyat qilinishiga qaraganda, Alloh vahiy yo‘li bilan Hz. Yusufga shunday deb buyurdi___— Aka-ukalaringni kechirganing uchun dunyoda va oxiratda sening martabangni va shoningni ulug‘roq qildim.
Hz. Oysha — Alloh undan rozi bo‘lsin — shunday deydi___
— Alloh Rasuli (s.a.v.), o‘z nafsi uchun hech qachon hech kimdan qasos olmadi.
Faqat Allohning bir amri toptalganidagina Alloh uchun qasos oldi.
Ibn Abbos - Alloh undan rozi bo‘lsin — shunday deydi___
— Birovning kamchiligini kechirgan hech bir kimsa yo‘qki, Alloh uning martabasini yuksaltirmagan bo‘lsin...
Allohning Rasuli — Allohning salomi ustlariga yog‘ilsin — dedilarki___
— Zakot bergan bilan mol kamaymaydi.
Alloh bir kimsani afv etsa, uning martabasini orttirishdan boshqa narsa qilmaydi.
Alloh uchun tavozu ko‘rsatgan biron kishi yo‘qki, Alloh uning darajasini yuksaltirmagan bo‘lsin!
Abu Xomud G‘azzoliy✍
Mukoshafat-ul qulub📚
BANDALIK HAQQI (BURCHI) bo‘limini yakunladik, inshaallox keyingi bo‘limlarni ham sizga taqdim etamiz..