Qurt tushgan olma hikmati

Luqmoni Hakimning farzandi o‘ziga nomaqbul do‘stlarni ulfat bilibdi.
Ular bilan bordi-keldini ko‘paytirib borishi xar qanday ota singari Luqmoni Hakimning ham g‘ashini keltiribdi.
Bir kuni u o‘g‘lini chaqirtirib____
- Bolam, do‘stning bo‘lgani yaxshi, ammo do‘st tanlashda adashib qolma.
Hozirgi do‘stlaringning hulqi yaxshi emas.
Senga yomon ta’sir ko‘rsatishlari mumkin, - deb nasihat qilibdi.
O‘g‘li esa o‘ziga ishonch bilan:
- Otajon, siz menga kuchli tarbiya bergansiz, pand-nasihatlaringiz xar doim qulog‘im ostida turadi, do‘stlarimning yomon hulqlari menga aslo ta’sir ko‘rsatmaydi, havotir olmang - deb chiqib ketibdi.Shu asnoda Luqmoni Hakim bog‘dorchilik ishlari bilan o‘g‘lini yordamga chaqiribdi.
Qarasa o‘g‘li butun olmalarni alohida, kam sonli bo‘lsa-da qurt tushgan olmalarni esa alohida savatga joylayapti ekan.
Hakim o‘g‘liga barcha olmalarni bir savtga joylayverishini tayinlab o‘z ishida davom etibdi.
Oradan biroz vaqt o‘tibdi, zarur bo‘lganda olmalar qo‘yilgan joyga borib qarashsa ularga qurt tushib butuni kam qolgan ekan.
Luqmoni Hakimning o‘g‘li otasiga e’tiroz bildirib____
- Otajon, olmalarning hammasini qo‘shib qo‘yaverishimni buyurgan edingiz, qurt tushgan bir-ikki mevani deb butun olmalarning hammasini qurtga yem qilibmiz-ku, - debdi.
Ota esa bir jilmayib qo‘yib___
- Ko‘rdingmi bolam, garchi sog‘-butun olmalar qurtlaganlaridan ko‘ra ko‘proqni tashkil qilgan bo‘lsa-da, qolganlarini ham buzibdi, ularga ham qurt tushiribdi.
Sen qanday qilib qalbiga qurt tushgan ulfatlaring bilan bir joyda ko‘p vaqtga qolasanu ular orasidan sog‘lom qalb bilan qayta olasan? - degan ekan!..