O'tganlar haqiga o'qiladigan duo

O'tganlar haqiga o'qiladigan duo
O'tganlar haqiga o'qiladigan duo


Assalomu alaykum! Uzur ustozlar mening dindan savodim xali yaxshi emas xudoga shukur yakinda namoz ukishni boshladim. savolim shunday kaysi duoni ukib yursa utgan avlod ajdodlar uchun yaxshi buladi yo sura oyatlarnimi.. raxmat nomakul savol bergan bulsam uzur..

JAVOB:

– Va alaykum assalom! Quyidagi oyatlarni o‘qib yuring. Alloh taolo "Ibrohim" surasida marhamat qiladi:

الْحَمْدُ لِلّهِ الَّذِي وَهَبَ لِي عَلَى الْكِبَرِ إِسْمَاعِيلَ وَإِسْحَقَ إِنَّ رَبِّي لَسَمِيعُ الدُّعَاء۝

39. Keksalik paytimda menga Ismoil va Is'hoqni hadya etgan Allohga hamd bo‘lsin. Albatta, Robbim duoni o‘ta eshituvchidir.Ma’lumki, Ibrohim alayhissalom uzoq vaqt farzand ko‘rmaganlar. To‘qson yoshlarida Ismoil alayhissalom, so‘ngra Is'hoq alayhissalom dunyoga kelganlar. Keksa kishiga farzand berishi Allohning ulug‘ ne’matidir. Shuning uchun Ibrohim alayhissalom o‘g‘illari Ismoil alayhissalom yordamida Baytullohni qurib bo‘lganlarida ham bu ne’matni yodga olib, o‘zlariga keksalik chog‘ida farzand bergan Allohga hamdu sanolar aytmoqdalar. Alloh taoloning duolarni qabul etuvchi Zot ekanini zikr qilmoqdalar:
«Albatta, Robbim duoni o‘ta eshituvchidir».

رَبِّ اجْعَلْنِي مُقِيمَ الصَّلاَةِ وَمِن ذُرِّيَّتِي رَبَّنَا وَتَقَبَّلْ دُعَاء۝

40. Robbim, meni va zurriyotlarimni namozni to‘kis ado etadiganlardan qilgin. Robbimiz, duoni qabul etgin.
Ibodat paytida yana ibodat uchun Allohdan yordam so‘rash ibodatning bardavom bo‘lishida Allohning O‘zidan yordam so‘rashni anglatadi. Allohning duolarni qabul etuvchi Zot ekanini zikr qila turib, yana duoni qabul etishini so‘rash biror to‘siq bo‘lib qolmasin, degan xavfni anglatadi.
Kelasi oyat ila Ibrohim alayhissalomning duolari so‘ngiga yetadi.

رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ۝

41. Robbimiz, hisob qilinadigan Kunda meni, ota-onamni va mo‘minlarni mag‘firat aylagin». ("Tafsiri Hilol" kitobidan). Vallohu a’lam!

«Zikr ahlidan so‘rang» hay’ati

Besh narsa besh narsa bilan kattalashadi

🌱🌹Besh narsa besh narsa bilan kattalashadi: 1) Gulxan – o‘tin bilan; 2) Shubha – gumon bilan; 3) Qo‘pollik – yomon muomala bilan;......

Qur'on karim suralari nomi

١ - Fotiha - Ochuvchi ٢ - Baqara - Sigir ٣ - Oli Imron - Imron oilasi ٤ - Niso - Ayollar ٥ - Moida - Dasturhon ٦ - An'om - Chorvalar ٧ - A'rof- Jannat bilan Do‘zaxni ajratuvchi devor ٨ - Anfol - O‘ljalar ٩ - Tavba - Tavba......

Bandalik haqqi (burchi)

Abu Ayyub Ansoriydan rivoyat qilinadi___ Alloh Rasuli (s.a.v.) aytdilarki___ — Bir musulmonning boshqa bir musulmon birodaridan uch kundan ortiq gaplashmay ketishi, u bilan uch kundan ortiq araz bo‘lishi joiz emas......

Tonggi zikr

«Asbahnaa 'ala fitrotil Islaam va 'ala kalimatil ixlaas va 'ala diyni Nabiyyina Muhammad va 'ala millati abiyna Ibrohiyma haniyfam muslima va maa kaana minal mushrikiyn»....

Ko'zi ko'r avliyo

Yo‘qsil shayxlardan biri ko‘zi ojiz pirning uyida “Qur’on” turganini ko‘rdi. O‘zicha: “Bu yerda “Qur’on”ning nima keragi bor. Bu odam ko‘r bo‘lsa”, dedi. Shu o‘y oromini o‘g‘irladi. “Bu yerda shu ko‘rdan boshqa hech kim yo‘q, bu qanday sinoat? Yaxshisi hech narsa so‘ramay, sabr qilay, sabr bilan niyatimga yetay”, dedi. Tun yarmida “Qur’on”...

Birodarlarimni sog‘indim

Kunlarning birida Rasululloh sollallohu alayhi vasallam yig‘ladilar. Buni ko‘rgan sahobalar: “Yo Rasululloh! Sizni nima yig‘latdi?”, deb so‘rashdi. U zot esa: “Birodarlarimni sog‘indim!”, deb javob berdilar. Sahobalar: “Bizlar birodarlaringiz emasmizmi, yo Rasululloh?”, deyishdi. Shunda u zot alayhissalom: “Yo‘q. Sizlar ashoblarimsiz. Birodarlarim...

Hijrat qilgan joylari

Hijrat qilgan joylari: Madinai munavvara (Rasululloh sollallohu alayhi vasallamning Madinaga hijratlari payg‘ambarlikning 14-yili, rabi’ul avval oyining boshida, u zot qamariy hisobda rosa 53 yoshga to‘lganlarida / mil. 622 yilning sentabr o‘rtalarida bo‘lganiga barcha ulamolar ittifoq qilishgan......

Rabi'ul avval oylarida yuz bergan tarixiy voqealar

1. Hijratdan avvalgi 53 yil, rabi’ul avval oyining 8, 9, 10, 12 kunlardan biri (mil. 571 yil 19–23 aprel – Rasululloh sollallohu alayhi vasallam tavallud topdilar......

Namoz tugaganda o'qiladigan duo

Savbon roziyallohu anhudan rivoyat qilinadi: Rasululloh sollallohu alayhi vasallam namozni tugatsalar, uch marta «Astag‘firulloh», deb so‘ngra:...

Bilasizmi

Payg‘ambarimiz Rasululloh sollallohu alayhi vasallamning Farzandlari: ➖ 1. Qosim (onasi Xadiyja roziyallohu anho) ➖ 2. Zaynab roziyallohu anho (onasi Xadiyja roziyallohu anho) ➖ 3. Ruqayya roziyallohu anho (onasi Xadiyja roziyallohu anho)......

Fikr qo'shish