Eng afzal zikrlar

Zikrlarning eng afzali va butuni bu – Qur’oni karimdir. Uning birgina oyatini tilovat qilish bilan banda qanchadan-qancha savobga ega bo‘ladi. Payg‘ambarimiz sollallohu alayhi vasallam o‘z hadislarida ta’lim bergan zikrlar ham ko‘pki, bular haqida alohida kitoblar ta’lif etilgan.
Abu Hurayra roziyallohu anhudan rivoyat qilingan hadisda:
“Rasululloh sollallohu alayhi vasallam:
“Ikki so‘z tilga yengil, tarozida og‘ir, Rahmonga suyuklidir:
🌱«SUBHANALLOHI VA BIHAMDIHI, SUBHANALLOHIL AZIYM», dedilar”.
(Imom Termiziy rivoyati).
Yana shu zotdan rivoyat qilinadi:

“Rasululloh sollallohu alayhi vasallam menga:
🌱«LA HAVLA VA LA QUVVATA ILLA BILLAHI»ni ko‘proq ayt. Albatta, u jannatning xazinalaridan bir xazinadir”, dedilar”.
(Imom Termiziy rivoyati).