Yetti toj
👉 1. ZIKRNING TOJI:
«Laa ilaha illallohu vahdahu laa shariyka lahu, lahul mulku va lahul hamdu va huva ’alaa kulli shayin qodiyr»
(Yagona Allohdan boshqa iloh yo‘q, Uning sherigi ham yo‘q, saltanat va maqtov Unikidir. U barcha narsaga qodir Zotdir).
👉 2. TASBЕHNING TOJI:
«Subhaanallohi va bihamdih, ’adada xolqih, va rizo nafsih, va zinata ’arshih, va midada kalimaatih»
(Yaratganlarining adadicha, O‘zi rozi bo‘lgunicha, Arshining vaznicha, kalimalarining uzunligicha Allohga hamd aytaman va Uni poklab yod etaman).
👉 3. DUONING TOJI:
«Robbanaa, aatinaa fid-dunya hasanatan va fil aaxiroti hasanatan va qinaa ’azaaban-naar»
(Robbimiz, bu dunyoda ham, oxiratda ham yaxshilik ato qil va bizni do‘zax azobidan saqla!)
👉 4. ISTIG‘FORNING TOJI:
«Allohumma, anta Robbiy, laa ilaaha illaa anta, xolaqtaniy va ana ’abduk, va ana ’alaa ’ahdika va va’dika mastato’tu, a’uuzu bika min sharri maa sona’t, abuu’u laka bi ni’matika ’alayya, va abuu’u bizambiy, fag‘firliy, fainnahu laa yag‘firuz-zunuba illaa ant»
(Allohim, Sen Parvardigorimsan, Sendan boshqa iloh yo‘q. Meni Sen yaratding, men Sening qulingman. Men Senga bergan va’damda va Senga bergan ahdimda qodir bo‘lganimcha turibman. Qilgan ishlarimning yomonidan O‘zingdan panoh tilayman. Menga ato qilgan ne’matlaringga iqrorman, gunohlarimga ham iqrorman. Gunohlarimni kechir, chunki Sendan boshqa hech kim gunohlarni kechira olmaydi)
👉 5. ZARARDAN HIMOYALANISH DUOLARINING TOJI:
«Bismillaahillaziy laa yazurru ma’asmihi shayun fil arzi va laa fis-samaa, va huvas-samiy’ul-’aliym»
(Allohning ismi bilan boshlayman, U Zotning ismi tufayli yeru osmonda biror narsa zarar bera olmaydi. U eshituvchi, biluvchi Zotdir).
👉 6. MUAMMODAN QUTILISH DUOLARINING TOJI:
«Laa ilaaha illaa anta, subhaanaka, inniy kuntu minaz-zolimiyn» (O‘zingdan boshqa iloh yo‘q, ey pok Parvardigor! Men o‘z jonimga zulm qilib qo‘ydim, Anbiyo surasi, 87-oyat).
👉 7. XOTIRJAMLIK DUOLARINING TOJI:
«Laa havla va laa quvvata illaa billaahil ’aliyyil ’aziym»
(Oliy va Ulug‘ Allohdan o‘zgada kuch ham, quvvat ham yo‘q).