Shafoat shafoatchiga qarab sakkiz turli bo‘ladi
Shafoat shafoatchiga qarab sakkiz turli bo‘ladi:
1-Anbiyo alayhis sallomlarning ummatlariga shafoati.
2-Farishtalarning gunohkorlarga shafoati
3-Kichik bolalarning ota-onasiga shafoati.
4-Allohning yo‘lida shahid bo‘lganning o‘z ahlidan yetmish kishiga shafoati.
5-Qur’onni yod olgan kishining ahli baytiga shafoati.
6-Mo‘minlarning bir-birlari haqidagi shafoati.
7-Qur’oni karimning o‘z qorisiga shafoati.
8-Ro‘zaning ro‘zadorga shafoati.
Dalil: quyidagi oyatlar:
1-»U zotning huzurida shafoat beradigan, faqat Uning izni ila bo‘lur». (Baqara surasi, 255).
2-»U zot ishning ta’birini qilur. Hech bir shafoatchi yo‘q. Magar Uning iznidan so‘ng bo‘lur». (Yunus surasi, 3)
3-»Shafoatga molik bo‘lmaslar. Magar Rahmon huzurida ahd olgangina bo‘lur». (Maryam su-rasi, 87)
4-»O‘sha Kunda shafoat naf bermas. Magar kimga Rahmon izn bersa va uning gapirishiga rozi bo‘lsa (naf berur)». (Toha surasi, 109)5-»Va shafoat bermaslar, magar kimga rozi bo‘lsa (berurlar). Ular Robbilaridan qo‘rqqan hollaridadir». (Anbiyo surasi, 28)
6-»Osmonlarda qanchadan-qancha farishtalarning shafoatlari hech bir narsani aritmas. Magar Alloh xohlagan va rozi bo‘lgan odamga izn bergandan keyingina (aritar)». (Najm su-rasi, 26)
7-Payg‘ambarimiz sollallohu alayhi vasallamning: «Bas Alloh taolo: «Farishtalar shafoat berdi. Nabiylar shafoat berdi. Mo‘minlar shafoat berdi. Arhamur Rohiymiyndan boshqa hech kim qolmadi»-deydi. So‘ngra do‘zaxdan bir siqim oladi va undan hech bir yaxshilik qilmagan odamlarni chiqaradi», degan hadislari.(Muslim Abu Sa’id al-Xudriy roziyallohu anhudan rivoyat qilgan).
8-Payg‘ambar sollallohu alayhi vasallamning shahidning olti xislatini bayon qilgan hadislari oxirida: «Va o‘z qarindoshlaridan yetmish kishiga shafoat beradi»- deyilgan. (Termiziy va Ibn Moja).
9-Payg‘ambarimiz sollallohu alayhi vasallam: «Albatta, mening ummatimdan ko‘pchilikka shafoat beradiganlar, qabilaga shafoat beradiganlar, ota tomon qarindoshlarga shafoat beradiganlar, va bir kishiga, toki jannatga kirishlari uchun shafoat beradiganlar bor»-deganlar. (Termiziy).
10-Rasululloh sollallohu alayhi vasallam: «Ro‘za va Qur’on bandaga shafoat beradilar»-deganlar. (Bayhaqiy «Shuabul Iymon»da rivoyat qilgan).
11-Rasululloh sollallohu alayhi vasallam: «Albatta «Siqt»-(balog‘atga yetmay o‘lgan bo-la) ota-onasini do‘zaxga kirgazgan chog‘da Robbisi ila tortishadi. Shunda unga: «Ey Robbisi ila tortishuvchi bola, ota-onagni jannatga kirit»-deyiladi», deganlar. (Ibn Moja).
Sharh Aqidat at-Tahoviy 59.b6