Mo'jiza

Nima uchun quloqning suvi achchiq, ko‘zning suvi tuzli, og‘izning suvi chuchuk?!
Alloh Taoloning ulug‘ligi hamda bandalariga bo‘lgan cheksiz mehribonligiga bir qarang-a! Quloq suvining achchiq bo‘lishligi, ko‘z suvining tuzli, og‘iz suvining esa chuchuk bo‘lishligi hikmati nimada ekan?
Quloq suvining achchiq bo‘lishligi hikmati:
Alloh Taolo quloq suvini achchiq qilib yaratdi. U qo‘ng‘izu-hashoratlardan saqlashga ko‘maklashar ekan... Masalan, agar achchiq bo‘lmaganida shirin uyquda yotgan mahalimizda chumoliyu, qurt-qumursqalarning qulog‘imizga kirib ketishi mumkin edi.
Ko‘z suvining tuzli bo‘lishligi hikmati:
Tiniq-shaffof ko‘zlarimizga qanchadan-qancha chang va o‘zga zararli narsalar kirishi mumkin. “Tuzli suv” shu narsalardan asraydigan juda foydali va muhim suyuqlik ekan. Ko‘zga biror nima kirsa yoki tushsa, shu zaxoti ko‘zimizning yoshlanishi aniq... Demakki, bu – bejiz emas.

Og‘iz suvining chuchuk bo‘lishligi hikmati:
Og‘iz suvi chuchuk bo‘lgani bois har qanday ta’mni ajrata olish qobiliyatiga ega. Agar og‘izning suvi achchiq yoki tuzli bo‘lganida – masalan shirin narsalarning ta’mini bilolmas edi...

Alloh Taolo – barcha g‘oyibni biluvchi, bandalariga mehribon, har narsaga qudratli va hikmatli Robbimizdir...!