Rabi'ul avval oylarida yuz bergan tarixiy voqealar

Rabi'ul avval oylarida yuz bergan tarixiy voqealar
Rabi'ul avval oylarida yuz bergan tarixiy voqealar


RABI’UL AVVAL OYLARIDA YUZ BЕRGAN TARIXIY VOQЕALAR

1. Hijratdan avvalgi 53 yil, rabi’ul avval oyining 8, 9, 10, 12 kunlardan biri (mil. 571 yil 19–23 aprel
– Rasululloh sollallohu alayhi vasallam tavallud topdilar.

2. Hijratdan avvalgi 51 yil, rabi’ul avval oyi (mil. 573 yil mart oxiri yoki aprel boshi)
– Rasululloh sollallohu alayhi vasallam ikki yoshga to‘lib, ko‘krakdan (sut emishdan) chiqarildilar.

3. Hijratdan avvalgi 13 yil, rabi’ul avval oyi (mil. 610 yil fevral)
– Rasululloh sollallohu alayhi vasallam qamariy 40 yosh (shamsiy 38 yosh-u to‘qqiz oylik) bo‘lganlarida rost tushlar ko‘rishlari, Makkadagi bir toshning u Zotga salom berishi kabi payg‘ambarlik alomatlari ko‘rina boshladi va bu holat olti oy davom etdi.

4. Hijratdan avvalgi 1 yil, rabi’ul avval oyi (nubuvvatning 13 yili / mil. 621 yil oktabr)
– Isro va Me’roj hodisasi yuz berdi;
– besh mahal namoz farz qilindi.

5. Hijriy 1 yil, 1 rabi’ul avval, dushanbaga o‘tar kechasi (mil. 622 yil 12 sentabr)
– Rasululloh sollallohu alayhi vasallam Makkadan Yasrib (Madina) sari hijratga chiqdilar.

6. Hijriy 1 yil, 8 rabi’ul avval, dushanba kuni (mil. 622 yil 19 sentabr)– Rasululloh sollallohu alayhi vasallam Yasrib (Madina) viloyatining ilk qishlog‘i Quboga kirdilar.

7. Hijriy 1 yil, 8–12 rabi’ul avval (mil. 622 yil 19–23 sentabr)
– Rasululloh sollallohu alayhi vasallam boshchiliklarida Qubo qishlog‘ida «Taqvo asosi»ga masjid qurildi (Qubo nomini olgan bu masjid Islom tarixida ilk qurilgan masjid hisoblanadi).

8. Hijriy 1 yil, 12 rabi’ul avval, juma kuni (mil. 622 yil 23 sentabr
– Rasululloh sollallohu alayhi vasallam Qubo qishlog‘i bilan Yasrib (Madina) shahri o‘rtasidagi Bani Solim ibn Avf vodiyida birinchi juma namozini yuz kishilik jamoat bilan o‘qidilar;
– juma namozidan so‘ng Yasrib (Madinai munavvara)ga kirdilar va Abu Ayyub Ansoriy roziyallohu anhuning bo‘sh uyiga joylashdilar;
– «so‘kish, haqorat qilish» ma’nolaridagi «Yasrib» nomi «Madinatur Rasul», «Madinatun Nabiy» (Payg‘ambar shahri) deb, keyinchalik qisqarib «Madina», «Madinai munavvara» deb, atala boshladi;
– bir necha kun o‘tib Madinaga Savda onamiz, Fotima, Ummu Kulsum, Usoma ibn Zayd va Ummu Aymanlar hamda Abdulloh ibn Abu Bakr roziyallohu anhum oilasi bilan kelishdi;
– shundan keyin birinchi bo‘lib Masjidi Nabaviyni qurish ishlari boshlandi.

9. Hijriy 2 yil, rabi’ul avval oyi (mil. 623 yil sentabr)
– Rasululloh sollallohu alayhi vasallam as'hoblaridan ikki yuz kishi hamrohligida Qurayshning Umayya ibn Xalaf Jumahiy boshliq yuz kishilik, ikki ming besh yuz tuyadan iborat karvoniga qarshi yo‘lga chiqdilar. Razvo nohiyasining Buvot degan joyigacha bordilar va biron yomonlikka duch kelmasdan Madinaga qaytib keldilar (bu Islom tarixida «Buvot» g‘azoti deb ataladi);
– Kurz ibn Jobir Fihriy boshliq mushriklarning kichik bir guruhi Madina yaylovlariga bosqin uyushtirib, musulmonlarning chorva mollaridan bir qismini haydab ketganida, Rasululloh sollallohu alayhi vasallam yetmish nafar sahoba bilan ularning ortidan quvib chiqdilar va Badr nohiyasining Safavon vodiyigacha bordilar. Biroq Kurzning guruhini topa olmay ortlariga qaytdilar (bu Islom tarixida «Safavon», «Birinchi Badr» va «Kichik Badr» g‘azoti deb ataladi).

10. Hijriy 3 yil, rabi’ul avval, 14-kecha (mil. 624 yil 3 sentabr)
– Ka’b ibn Ashraf o‘ldirildi (u ona tarafdan yahudiy bo‘lib, Ban Nazir yahudiylari boshliqlaridan biri edi. Islom dini va musulmonlarga adovati cheksiz, Rasululloh sollallohu alayhi vasallamga ozori kuchli, u Zotga qarshi urush qilishga eng ko‘p chaqiruvchi va fitnachi bo‘lgan).

📙Farishtalar hozir bo‘lgan janoza

Rasululloh sollallohu alayhi vasallam Sa’laba roziyallohu anhuning janozasida oyoq uchida yurgan ekanlar…...

Anbiyolarning kasb-hunarlari

• Odam alayhissalom yer haydab, dehqonchilik qilganlar. – Idris alayhissalom tikuvchi bo‘lganlar. – Nuh alayhissalom duradgor bo‘lganlar....

To‘rt narsadan g‘aflatda qolmang!

Shayx Muhammad Mutavalliy Sha’roviy rohimahulloh aytadi: «To‘rt narsadan g‘aflatda qolgan to‘rt kishiga hayronman: Birinchisi g‘am-g‘ussaga botgan odam. U qanday qilib Yunus alayhissalomning Qur’onda kelgan, «Laa ilaaha illaa anta, subhaanaka, innii kuntu minaz-zolimiyn» (Sendan o‘zga iloh yo‘q, Seni poklab yod etaman! Men o‘zimga zulm qilib...

Haq yo‘lda zohir bo‘lib turadigan va Qiyomatgacha davom etadigan toifa haqidagi hadislar

Mug‘iyra ibn Sho‘’ba roziyallohu anhudan rivoyat. Rasululloh sollallohu alayhi va sallam aytdilar:...

Odamlarning namozda ajri ulug‘rog‘i

🌱🌹Rasululloh sollallohu alayhi vasallam: «Odamlarning namozda ajri ulug‘rog‘i – uzoqroqdan yurib keladiganidir va namozni imom bilan o‘qish uchun kutgan kishining ajri namozni o‘qib, so‘ng uxlagan kishidan ulug‘roqdir», dedilar». Imom Buxoriy rivoyati....

Osiylikdan saqlaning

"Ey Odam farzandi! Ehtiyojingiz mikdorida Mendan so‘rang. Jahannamga toqatingiz miqdorida (agar toqat qilolsangiz) Menga osiylik kiling. Kechiktirilgan ajallaringiz, oldingizdagi hozir bo‘lgan rizqingiz va yopib qo‘yilgan gunohlaringizga karamang. "Barcha narsa halok bo‘lguvchidir, magar Uning yuzi - O‘zigina (mangudir)" (Kasos surasi, 88-oyat)"....

Qurbonlik qilish vojib bo‘lgan kishi uning odoblariga rioya qilishi kerak

Qurbonlik qilish vojib bo‘lgan kishi uning odoblariga rioya qilishi kerak. Ya'ni, qurbonlikni o‘z qo‘li bilan qilish......

Yaratilish mazmuni

«Ey Odam farzandi! Sizlarni avval oz bo‘lib, keyin ko‘paytirish uchun xalq qilmadim. Qo‘rqinchda Menga hamroh bo‘lish uchun yo ojiz bo‘lib qolganimda yordam so‘rash uchun yoki manfaat hosil qilish uchun yoxud zararni daf etish uchun sizlarni yaratganim yo‘q. Balki uzoq vaqt Menga ibodat qilib, ko‘p shukr keltirib, ertayu kech Menga tasbeh...

Bismillahir rohmanir rohim!

بِسْـــــــــــــمِ اللهِ الرَّحْمَنِ الرَّحِـــــــــــــيم Bismillahir rohmanir rohim! 🕌NAMOZ 1. Odamlarning Xoliq bilan aloqasi eng yaxshi bo‘lgani xalq bilan aloqasi eng yaxshi bo‘lganidir....

Da'vo bo'lak, amal boshqa

Sunnatga amal qilish faqatgina kiyinish va tashqi ko‘rinishdan iborat emas. Nabiy sollallohu alayhi va sallamning sunnatlarini o‘rganish, anglash, amal qilish va u zotning yo‘llarini tutish asl sunnatga amal qilishdir. Tarixda u zotning yo‘llarini tutganlar dunyoga egalik qilishdi, taraqqiyotda ildamlab ketishdi. Buning natijasida musulmonlar safi...

Fikr qo'shish