Qanisiz, ey Umar (roziyallohu anhu)
Qanisiz, ey Umar (roziyallohu anhu)
Hayotimiz bo‘lib ketdi alg‘ov -dalg‘ov
Bozorlarda halollik yo‘q, faqat aldov
Imom haqni gapirolmay turar soqov
Sizdek amir qani endi, ey Umar!
***
Dini uchun, halqi uchun jonin bergan
Halol ishlab halolidan rizqin tergan
Sizni ko‘rsa Shayton boshqa yo‘ldan yurgan
Sizdek amir qani endi, ey Umar!
***
Amir bo‘lib yirtiq yamoq libos kiygan
Bu dunyonimas Oxirati uchun kuyganZolimlikdan, nohaqlikdan o‘zin tiygan
Sizdek amir qani endi, ey Umar!
***
Adolatni teng qo‘llagan hamma uchun
El qiynalsa yig‘ladingiz bo‘lib mahzun
Kambag‘alga tunda turib tashigan un
Sizdek amir qani endi, ey Umar!
***
Riboxo‘rga, sudxo‘rlikga berib barham
"Halq mulkiku" deya xatto olmagan sham
Qo‘riqchisiz bozor kezgan xotirijam
Sizdek amir qani endi, ey Umar!
***
Elni to‘plab qaytardingiz ko‘p mahrdan
Oddiy kampir gapingizni bo‘ldi birdan
Kampir haq deb, xatoingiz oldingiz tan
Sizdek amir qani endi, ey Umar!
***
Podshoh bo‘lib saroy nima bilmadingiz
"Amirman" deb namozni tark qilmadingiz
O‘lishda ham tahoratsiz o‘lmadingiz
Sizdek amir qani endi, ey Umar!
***
Oddiyligu kamtarinlik xosdir sizga,
Odil podshoh degan nisbat mosdir sizga
Bugun juda muhtoj bo‘lib qoldik sizga
Sizdek amir qani endi, ey Umar!