Jannat va undagi ne’matlar vasfi

Jannat va undagi ne’matlar vasfi
Jannat va undagi ne’matlar vasfi


Alloh taolo aytadi:
«Taqvo egalari uchun va’da qilingan jannatning sifati (budir): «Unda aynimagan suvdan bo‘lgan daryolar ham, ta’mi o‘zgarmagan sutdan bo‘lgan daryolar ham, ichuvchilar uchun lazzatli (ya’ni badta’m va aqldan ozdiruvchi bo‘lmagan) maydan bo‘lgan daryolar ham, musaffo asaldan bo‘lgan daryolar ham bordir. Ular uchun u joyda barcha mevalardan bordir» (Muhammad: 15).

«Taqvo egalari uchun va’da qilingan jannatning misoli (budir): uning ostidan daryolar oqur, mevalari va soyalari boqiydir» (Ra’d: 35).
«Iymon keltirgan va yaxshi amallar qilgan zotlar esa, shak-shubhasiz - Biz (ular kabi) chiroyli amallar qilgan kishilarning ajr-mukofotini zoye qilmasmiz. Ular uchun ostlaridan daryolar oqib turadigan abadiy jannatlar bor bo‘lib, ular u joyda oltindan bo‘lgan bilakuzuklar bilan bezanurlar va ipak-shoyilardan bo‘lgan, yashnab turuvchi liboslar kiyib, so‘rilarda yastanib o‘tirurlar. Naqadar yaxshi mukofot u, naqadar go‘zal joy u!» (Kahf: 30, 31).

«(Ey insonlar), Parvardigoringiz tomonidan bo‘ladigan mag‘firatga hamda Alloh va Uning payg‘ambarlariga iymon keltirgan zotlar uchun tayyorlab qo‘yilgan, kengligi osmon va Yerning kengligi kabi bo‘lgan jannatga shoshilingiz!» (Hadid: 21).

«Va ular (jannatga kirgan chog‘larida) dedilar: Bizlardan g‘am-qayg‘uni ketkazgan zot — Allohga hamdu-sano bo‘lsin. Darhaqiqat Parvardigorimiz G‘afur va Shakurdir. U O‘z fazlu-marhamati bilan bizlarni mangu turadigan bir diyorga tushirdiki, bu joyda bizlarga na mashaqqat yetar va na charchoq yetar» (Fotir: 34, 35).
عَنْ أَبِي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ: «إِنَّ فِي الْجَنَّةِ مِائَةَ دَرَجَةٍ أَعَدَّهَا اللَّهُ لِلْمُجَاهِدِينَ فِي سَبِيلِهِ كُلُّ دَرَجَتَيْنِ مَا بَيْنَهُمَا كَمَا بَيْنَ السَّمَاءِ وَالأَرْضِ فَإِذَا سَأَلْتُمُ اللَّهَ فَسَلُوهُ الْفِرْدَوْسَ فَإِنَّهُ أَوْسَطُ الْجَنَّةِ وَأَعْلَى الْجَنَّةِ وَفَوْقَهُ عَرْشُ الرَّحْمَنِ وَمِنْهُ تَفَجَّرُ أَنْهَارُ الْجَنَّةِ» (رواه البخاري)

Abu Hurayra roziyallohu anhudan rivoyat qilinadi: Rasululloh sollallohu alayhi va sallam aytdilar: «Jannatda Alloh O‘z yo‘lidagi mujohidlarga tayyorlab qo‘ygan yuzta daraja bor. Har ikki daraja oralig‘i yer bilan osmon oralig‘ichadir. Allohdan so‘raydigan bo‘lsangiz, oliy «Firdavs» jannatini so‘ranglar. Chunki u jannatning eng o‘rtasi va eng yuqorisidir, jannat anhorlari undan oqib chiqadi, Rahmon taoloning Arshi uning ustidadir» (Imom Buxoriy rivoyati).

عَنْ أَبِي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ: «قَالَ اللَّهُ عَزَّ وَجَلَّ أَعْدَدْتُ لِعِبَادِيَ الصَّالِحِينَ مَا لا عَيْنٌ رَأَتْ وَلا أُذُنٌ سَمِعَتْ وَلا خَطَرَ عَلَى قَلْبِ بَشَرٍ مِصْدَاقُ ذَلِكَ فِي كِتَابِ اللَّهِ { فَلا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْيُنٍ جَزَاءً بِمَا كَانُوا يَعْمَلُونَ }» (متفق عليه).

Abu Hurayra roziyallohu anhudan rivoyat qilinadi: Rasululloh sollallohu alayhi va sallam aytdilar: «Alloh azza va jalla: «Solih bandalarim uchun ko‘z ko‘rmagan, quloq eshitmagan, odamzotning xayoliga ham kelmagan narsalarni hozirlab qo‘ydim», dedi. Buning tasdig‘i Allohning Kitobidagi: «Bas ularning qilib o‘tgan amallariga mukofot qilib ular uchun berkitib qo‘yilgan ko‘zlar quvonchini (ya’ni oxirat ne’matlarini) biron jon bilmas» (Sajda: 17) oyatidir» (Muttafaqun alayh).

Sharh:

Jannat – Alloh taolo solih bandalari uchun hozirlab qo‘ygan mukofot hovlisidir. Undagi ne’matlarni inson aqli tasavvur qilolmaydi, unda ko‘z ko‘rmagan, quloq eshitmagan, insonning xayoliga ham kelmagan ne’matlar bor. Nomlari zikr qilingan ne’matlar dunyodagi narsalarga ismdosh bo‘lsada haqiqati umuman o‘zgacha bo‘ladi.

Bugungi darsdan olinadigan foydalar:

1. Jannat ne’matlarining buyukligi;
2. Jannatning har xil darajalari va anhorlari bor;
3. Undagi ne’matlarni inson tasavvur ham qilolmaydi.

«ISLOM» va «SALOM» so‘zlari orasidagi bog‘liqlik

* «ISLOM» va «SALOM» so‘zlari orasidagi bog‘liqlik: 1. Islom dinini yuborgan Zot Alloh taoloning ismi As-Salom; 2. Islom dinining nomi ham, mohiyati ham – tinchlikdir; 3. Haqiqiy va abadiy tinchlik olami bo‘lmish jannatning nomi ham Dorus-Salom;......

Ixlos surasi va oyatul-kursiyning fazli

Ixlos surasi va oyatul-kursiyning fazli عَنْ أَبِي سَعِيدٍ الْخُدْرِيِّ رَضِيَ اللَّهُ عَنْهُ قَالَ قَالَ النَّبِيُّ صَلَّى اللَّهُ عَلَيْهِ وَسَلَّمَ: «لأَصْحَابِهِ أَيَعْجِزُ أَحَدُكُمْ أَنْ يَقْرَأَ ثُلُثَ الْقُرْآنِ فِي لَيْلَةٍ؟» فَشَقَّ ذَلِكَ عَلَيْهِمْ وَقَالُوا أَيُّنَا يُطِيقُ ذَلِكَ يَا رَسُولَ اللَّهِ؟ فَقَالَ: «اللَّهُ الْوَاحِدُ...

Odamlarning namozda ajri ulug‘rog‘i

🌱🌹Rasululloh sollallohu alayhi vasallam: «Odamlarning namozda ajri ulug‘rog‘i – uzoqroqdan yurib keladiganidir va namozni imom bilan o‘qish uchun kutgan kishining ajri namozni o‘qib, so‘ng uxlagan kishidan ulug‘roqdir», dedilar». Imom Buxoriy rivoyati....

Da'vo bo'lak, amal boshqa

Sunnatga amal qilish faqatgina kiyinish va tashqi ko‘rinishdan iborat emas. Nabiy sollallohu alayhi va sallamning sunnatlarini o‘rganish, anglash, amal qilish va u zotning yo‘llarini tutish asl sunnatga amal qilishdir. Tarixda u zotning yo‘llarini tutganlar dunyoga egalik qilishdi, taraqqiyotda ildamlab ketishdi. Buning natijasida musulmonlar safi...

Namozning fazilatlari

Alloh buyuradi___ — Bas, qachon xotirjam bo‘lgach, namozni to‘kis ado etingiz. Albatta, NAMOZ mo‘minlarga tayinlangan vaqtlarda FARZ qilindi......

Bilasizmi

Payg‘ambarimiz Rasululloh sollallohu alayhi vasallamning Farzandlari: ➖ 1. Qosim (onasi Xadiyja roziyallohu anho) ➖ 2. Zaynab roziyallohu anho (onasi Xadiyja roziyallohu anho) ➖ 3. Ruqayya roziyallohu anho (onasi Xadiyja roziyallohu anho)......

Har qanday ishni boshlashdan avval

“Har qanday ishni boshlashdan avval Allohning rizoligini o‘yla. Aks holda qilgan ishlaringning hammasi behuda ketadi. Ahmoq kishi hikmat lazzatini bilmaydi, bamisoli tumov kishi gulning hidini sezmaganidek”....

Alloh taoloning Qur'oni karimdagi 8 va'dasi

«Ey insonlar! Albatta, Allohning va’dasi haqdir. Bas, sizlarni dunyo hayoti sira aldab qo‘ymasin! Yana sizlarni aldamchi (shayton) aldab qo‘ymasin!» (Fotir, 5)......

Ko‘zini nomahramdan to‘suvchi yigitning mukofoti…

Amerika Qo‘shma Shtatlarida yashovchi bir faqir go‘zal xulqli dindor arab yigit bo‘lgan. Uni odati doim nomahram ayollarga qarashlikdan ko‘zini to‘sib yurardi… Kunlardan bir kuni u AQSHning osmono‘par binolarining birida muayyan bir qavatga liftda ko‘tarilayotgan edi. U liftda bir amerikalik o‘zini go‘zalligi bilan mashhur bo‘lgan bir qiz ham bor...

Qiyomat kuni xursand bo'lay desangiz...

Oxiratda har bir bandaning nomai a’moli o‘ziga ko‘rsatiladi. Bu haqida Alloh taolo shunday degan: “Biz har bir insonning amalini bo‘yniga ilib qo‘yganmiz. Qiyomat kuni unga ochiq holda ro‘baro‘ bo‘ladigan bir kitobni (ya’ni, nomai a’molini) chiqarib (ko‘rsatamiz. O‘shanda unga deyiladi:) “Kitobingni o‘qi, (qancha savobing, qancha gunohing...

Fikr qo'shish