Muhabbat nima ?

Muhabbat nima ?
Muhabbat nima ?


Muhabbat bu- Rosululloh sallollohu alayhi va sallam hijrat qilgan kechalarida u zotning o‘rinlarida to‘shakda uxlagan Ali roziyollohu anhudir. U Rosululloh sallollohu alayhi va sallamni qavmlari o‘ldirish uchun jamlanganini bilar va bu to‘shakda u zotning o‘rnilarida qatl qilinishiga aniq ishonar edi.

Muhabbat bu- Rosululloh sallollohu alayhi va sallamga ruhini, obro‘sini, molini fido qilgan Abu Bakrdir roziyollohu anhudir. Uni Quraysh kofirlari urib hushidan ketkazishganda hushiga kelib avval aytgan gapi " Rosulullohga nima bo‘ldi" bo‘lgan edi.

Muhabbat bu- Bani Dinorlik sahobiyadir. Sahobalar uning eri, otasi va birodari Uhudda shahid bo‘lishganida unga ta’ziya bildirishdi. U esa Rosululloh alayhis salotu vas salomni qidirar edi. Uning ko‘zi Rosululloh sallollohu alayhi va sallamga tushgach shunday dedi: " Siz tirik ekansiz, boshqa musibatlar hech narsa emas, yo Rosulalloh".

Muhabbat bu- Savbon roziyollohu anhudir. Bir kuni u rangi siniqqan holda Rosululloh sallollohu alayhi va sallamga ko‘rindi. Rosululloh sallollohu alayhi va sallam undan so‘radilar : " Nega ranging o‘zgargan ? " . U dedi: " Menga hech qanday kasallik yoki og‘riq yo‘q. Ammo sizni ko‘rmay yo‘qotib qo‘ysam sog‘inib qolayapman".
Muhabbat bu- Hubayb roziyollohu anhudir. U zotni asir olib o‘ldirish uchun dor ostiga olib kelishdi. So‘ngra ulardan biri Hubaybga: " Hozir o‘rningda Muhammad bo‘lishini hohlarmiding ?"-dedi. Hubayb unga : " Allohga qasamki, men ahlim va avlodim huzurida tinchgina o‘tirib Muhammadga bir tikan kirishini hohlamayman"-degan edi.

Muhabbat bu - Abu Talha roziyollohu anhudir. U zot Uhud g‘azotida Rosululloh sallollohu alayhi va sallamga : " Yo Rosulalloh, yaqin bormang, yaqin bormang. Siz musibatga uchraganingizdan mening tomog‘imga o‘q qadalgani yaxshiroq" - degan edi.

Muhabbat bu- Umar roziyollohu anhudir. Bu zot Rosululloh sallollohu alayhi va sallam vafot etganlarida u kishining suyukli as'hoblariga : "Muhammad o‘ldi demanglar. U zot Musoga o‘xshab Robbilari bilan so‘zlashgani ketdilar. Albatta qaytadilar" -degan edi.

Muhabbat bu- Amr ibn Os roziyollohu anhudir. U kishi aytadi : " Hurmat yuzasidan Rosululloh sallollohu alayhi va sallamga tik boqqanim yo‘q".

Muhabbat bu- Bilol roziyollohu anhudir. U zot Rosululloh sallollohu alayhi va sallamdan keyin azon aytolmay qolgan edi. Bir marta hazrati Umar roziyollohu anhu undan azon aytishini so‘raganlarida uning azoniga butun Madina yig‘lagan edi.

MUHABBAT BU ROSULULLOH SALLOLLOHU ALAYHI VA SALLAMDIRLAR. U ZOT SAHOBALARIGA : " MЕNGA INSONLAR ICHIDAN ENG SUYUKLISI OISHA, KЕYIN UNING OTASIDIR" DЕB E’TIROF QILGAN EDILAR. MUOZ ROZIYOLLOHU ANHUGA: " EY MUOZ, ALLOHGA QASAMKI, MЕN SЕNI YAXSHI KO‘RAMAN" DЕGAN EDILAR. U ZOT HAZRATI ALIGA : " SЕN MЕNDAN, MЕN SЕNDANMAN" DЕGAN EDILAR. U ZOT BIZNI ESLAB : " MЕNDAN SO‘NG BIR TOIFA INSONLAR KЕLISHADI. ULAR MЕNI JUDA YAXSHI KO‘RISHADI. ULAR HATTO AHLI VA MOLINI FIDO QILIB MЕNI KO‘RISHNI HOHLASHADI" DЕGAN EDILAR.

Bizga muhabbatni o‘rgatgan, qalbni qalbga ulfat qilgan, yaxshilikni hamma eshiklarini ochgan zotga salom va salovot aytaylik:

اللهم صل علي محمد و علي آل محمد كما صليت علي ابراهيم و علي آل ابراهيم انك حميد مجيد.اللهم بارك علي محمد و علي آل محمد كما باركت علي ابراهيم و علي آل ابراهيم انك حميد مجيد.

Islom
8
Avvalgi nashr Keyingi nashr
Zikr - Salovat

Allohning zikridan xam yengilroq va ajri ulug'roq ibodat yo'qdir! Allohni zikr qiling azizlarim!...

Anbiyolarning kasb-hunarlari

• Odam alayhissalom yer haydab, dehqonchilik qilganlar. – Idris alayhissalom tikuvchi bo‘lganlar. – Nuh alayhissalom duradgor bo‘lganlar....

Shukr qil

"Ey Odam farzandi! Qancha chiroqlar bor, ularni havoyi nafs shamoli o‘chirib yubordi. Qancha obidlar bor, o‘ziga bino qo‘yish ularni buzdi. Qancha boylar bor, ehtiyojsizlik ularni aynitdi. Qancha kambag‘allar bor, qashshoqlik ularni buzuqlikka yetakladi......

📙Farishtalar hozir bo‘lgan janoza

Rasululloh sollallohu alayhi vasallam Sa’laba roziyallohu anhuning janozasida oyoq uchida yurgan ekanlar…...

Jannat shaydolariga Allohning salomi bo‘lsin

Jannat shaydolariga Allohning salomi bo‘lsin!!!! Kunini Robbisi ila suxbat, bomdod namozi ila boshlaganlar naqadar baxtlilar😊......

Qattiq qalbga nasihat bekor

“Ey Odam farzandi! Maxluqlarni la’natlamang, la’nat o‘zingizga qaytadi. Ey Odam farzandi! Osmon Ismlaridan biri sababli havoda ustunsiz tik turibdi. Ammo qalblaringiz esa Kitobimdagi mingta va’z nasihatim bilan ham to‘g‘ri emas! Ey insonlar! Tosh suvda yumshamaganidek, va’z ham qattiq qalbga ta’sirini o‘tkaza olmaydi......

Duo (Albatta o‘qing)

Duo (Albatta o‘qing) Abus-Solt aytadi, Men Ali ibn Musoni Mavqifda (Arafotda) shunday duo qilayotganini eshitdim: - “Ey Alloh, mening o‘zim bilgan gunohlarimni yashirganing kabi O‘zing bilgan gunohlarimni ham kechirgin....

Ixlos surasi va oyatul-kursiyning fazli

Ixlos surasi va oyatul-kursiyning fazli عَنْ أَبِي سَعِيدٍ الْخُدْرِيِّ رَضِيَ اللَّهُ عَنْهُ قَالَ قَالَ النَّبِيُّ صَلَّى اللَّهُ عَلَيْهِ وَسَلَّمَ: «لأَصْحَابِهِ أَيَعْجِزُ أَحَدُكُمْ أَنْ يَقْرَأَ ثُلُثَ الْقُرْآنِ فِي لَيْلَةٍ؟» فَشَقَّ ذَلِكَ عَلَيْهِمْ وَقَالُوا أَيُّنَا يُطِيقُ ذَلِكَ يَا رَسُولَ اللَّهِ؟ فَقَالَ: «اللَّهُ الْوَاحِدُ...

Mal’un iblis birgina sajda sababli

🌱🌹Mal’un iblis birgina sajda sababli Allohning rahmati-yu jannatidan quvilgan ekan, kuniga besh vaqt namozni tark qilgan kishining ahvoli qanday bo‘larkin?...

Jannat xushxabari berilgan o‘n sahoba

Alloh taolo barcha sahobalardan rozi bo‘lsin! Asharai mubashshara bil jannah (Jannat xushxabari berilgan o‘n sahoba)......

Izohlar 1

  1. Офлайн
    Manzura
    Manzura 4 октября 2023 04:58
    1
    Инсон ҳаётдаги энг катта душмани бу – унинг ўзи.

    🔘 Инсон ҳаётидаги энг ахмоқона қилиғи бу – ёлғон ишлатиши.

    🔘 Инсон ҳаётидаги энг катта қоқилиш бу – унинг ишончсизлигидир.

    🔘 Инсон ҳаётидаги энг катта кулфати бу – ҳасад.

    🔘 Инсон ҳаётидаги энг катта қайғуси бу – ўзини йўқотиши.

    🔘 Инсон ҳаётидаги энг катта айби бу – ношукрлиги.

    🔘 Инсон ҳаётидаги энг арзигулик афсуси бу – ўз қадрини билмаслиги.

    🔘 Инсон ҳаётидаги энг ажойиб ҳолати бу – йиқилганидан кейин ўзини ўнглай олиши.

    🔘 Инсон ҳаётидаги энг катта йқотиш бу – умидини йўқотишида.

    🔘 Инсон ҳаётидаги энг улкан ютуғи бу – соғлиги ва ақли.

    🔘 Инсон ҳаётидаги энг улкан қарзи бу – ҳақиқий ҳиссиётлари.

    🔘 Инсон ҳаётидаги энг буюк қобилияти бу – унинг улкан қалби.

    🔘 Инсон ҳаётидаги энг катта етишмовчилик бу – тушунмовчилик.

    🔘 Инсон ҳаётидаги энг улкан юпанч бу – унинг эзгу ишлари.

    Абу Умома розияллоҳу анҳудан ривоят қилинади: "Расулуллоҳ cоллаллоҳу алайҳи васаллам: "Яхши амаллар ёмон ўлимдан сақлайди, маҳфий садақа Роббининг ғазабини кетказади, силаи раҳм умрни зиёда қилади", дедилар". Имом Табароний ривояти
    Javob berish

Fikr qo'shish