Hijrat qilgan joylari
Hijrat qilgan joylari: Madinai munavvara (Rasululloh sollallohu alayhi vasallamning Madinaga hijratlari payg‘ambarlikning 14-yili, rabi’ul avval oyining boshida, u zot qamariy hisobda rosa 53 yoshga to‘lganlarida / mil. 622 yilning sentabr o‘rtalarida bo‘lganiga barcha ulamolar ittifoq qilishgan.
Masjidlari: Madinai munavvaradagi Masjidi nabaviy.
Qiblalari: Ka’ba – Baytulloh.
Mo‘’jizalari: eng buyugi va eng mashhuri Qur’oni karimdir (ulamolar Rasululloh sollallohu alayhi vasallamning Qur’oni karimdan boshqa mo‘’jizalarining mingtadan kam bo‘lmaganiga ittifoq qilishgan.
(Imom Navaviy rahmatullohi alayh 1200 ta degan («Sahihi Muslim» sharhining muqaddimasi), Ahmad ibn Hajar Asqaloniy rahmatullohi alayh 3000 ta degan qavlni ham zikr qilgan («Fathul Boriy», 6/583).
G‘azotlari: 28 ta (Hudaybiyya sulhi va Qazo umra safarlarini qo‘shib hisoblaganda. G‘azotlarning 9 tasida jang bo‘lgan, xolos).(G‘azot — Rasululloh sollallohu alayhi vasallam Madinaga kibor sahobalardan birini o‘rinbosar qilib qoldirganlaridan so‘ng o‘zlari harbiy qo‘shinga bosh bo‘lib, biror yerga bir maqsad bilan borishlari, unda jang bo‘lganmi, bo‘lmaganmi — farqi yo‘q.)
Sariyyalari: 38 ta (ittifoq qilingan ma’lumotga ko‘ra).
(Sariya — Rasululloh sollallohu alayhi vasallam biror maqsadni ko‘zlab, bir sahoba boshchiligida yuborgan maxfiy jangovar guruh, unda jang bo‘lganmi, bo‘lmaganmi — faqi yo‘q.)
Muhr uzuklari: podshoh va amirlarga yuborilgan da’vat maktublari kabi hujjatlarga bosilgan.
Muhr uzuklariga mas’ul sahoba: Mu’ayqib ibn Abu Fotima Davsiy roziyallohu anhu (hijriy 40-yil / mil. 660-661 yilda vafot etgan). U Rasululloh sollallohu alayhi vasallam, hazrati Abu Bakr, hazrati Umar va hazrati Usmon roziyallohu anhum davrlarida mas’ul bo‘lgan.
Da’vat maktublari yuborilgan podshoh va amirlar: (hijriy 6-yil zulhijja oyining oxiri yoki 7-yil muharram oyining boshi / mil. 628 yil may)
1) Najoshiy – Habashiston podshohi As'hama ibn Abjar rohmatullohi alayh;
2) Muqavqis – Misr va Iskandariyya podshohi Jurayj ibn Miyno Qibtiy;
3) Kisro – Fors podshohi Abravez ibn Hurmuz ibn Anushervon;
4) Qaysar – Rum podshohi Hiraql;
5) Bahrayn hokimi Munzir ibn Soviy rohmatullohi alayh;
6) Yamoma hokimi Havza ibn Aliy;
7) Damashq hokimi Horis ibn Abu Shamir G‘assoniy;
8) Umon podshohi Jayfar ibn Julando va ukasi Abd ibn Julando rohmatullohi alayhimo.
(Umon podshohiga maktub Makka fathidan keyin yuborilgan degan qavl bor.)
"Rasululloh va ahli bayt" kitobidan.