Hudayr

Hudayr


Rasululloh sollallohu alayhi vasallam bir necha askarni bir topshiriq bilan jo‘natdilar. Ular ichida Hudayr ismli sahoba ham bor edi. O‘shanda ocharchilik bo‘lib, odamlarda ovqat kamayib ketgan edi. Rasululloh sollallohu alayhi vasallam askarlarning barchasini ovqat bilan ta’minladilar-u, lekin Hudayrga ovqat berishni unutib quydilar. Ammo Hudayr sabr qilgan holida otlar ortidan: «La ilaha illallohu vallohu akbar, valhamdu lillahi va subhanallohi va la havla va la quvvata illa billah... Ey Robbim, mana shu menga eng yaxshi yo‘l ozig‘idir», deb safarga chiqaverdi.

Shu payt Hazrati Jabroil Payg‘ambarimiz alayhissalom huzurlariga kelib: «Robbim meni huzuringizga yuborib, Hudayrga yo‘l ozig‘i berishni unutganingizni va u aytayotgan kalimalar qiyomat kuni yer bilan osmon oralig‘ida qay darajada nur bo‘lishini hamda unga yo‘l ozig‘i jo‘natishingiz xabarini berishni buyurdi», dedi. Rasululloh sollallohu alayhi vasallam sahobalardan bir kishini chaqirib, unga Hudayrning yo‘l ozig‘ini berdilar-da: «Agar uning oldiga yetib borsang, u nima deyotganini yodlab ol, yo‘l oziq-ovqatini topshirayotganingda ham nima deyotganini yodlab ol, Rasululloh senga salom aytdilar, degin hamda unga ovqat berishni unutganimni va Alloh Jabroil alayhissalomni yuborib, uni eslatganini, qiyomatdagi nurning qanday bo‘lishi xabarini berganini aytgin», dedilar. Yuborilgan kishi Hudayrning oldiga kelganida Hudayr boyagi so‘zlarni aytib ketayotgan edi. Keyin unga yaqin kelib: «Rasululloh sollallohu alayhi vasallam senga salom aytdilar va meni senga yo‘l ozig‘i bilan yubordilar, chunki avval berishni unutgan ekanlar. Alloh Jabroil alayhissalomni osmondan yuborib, buni eslattiribdi», dedi.
Shunda Hudayr Allohga hamdu sano va Rasulullohga salavot aytdi-da, so‘ngra: «Olamlar Rabbi Allohga hamd bulsin. Robbim yetti osmon tepasidan, Arshining yuqorisidan turib ochligim va zaifligimga rahm qilibdi. Ey Robbim, Sen Hudayrni unutmaganingdek, Hudayrni ham Shzingni unutmaydigan qilgin», dedi. Yuborilgan kishi Hudayr aytgan so‘zlarni yodlab, Rasululloh sollallohu alayhi vasallamga xabar bergan edi, Rasululloh sollallohu alayhi vasallam : «Agar boshingni osmonga ko‘targaningda u aytgan sshzlar yer bilan osmon oralig‘ida nur kabi taralib turganini kshrar eding», deb marhamat qildilar.

Nabiy alayhissalom qo‘llari bilan ko‘tarib olgan sahoba

Bu sahobani ko‘pchiligimiz tanimaymiz. Moddiy jihatdan faqir, ammo iymonga boy, moli, mansabi, uyi yo‘q, to‘shagi tuproq, bolishi bilagi, taom topsa yer, topmasa ro‘za tutardi. Biroz ko‘rimsiz, ammo go‘zal xulqli bu sahobaning ismi Julaybib roziyallohu anhu edi......

Sahobalarning martabalari va fazilatlari

Musulmonlar barcha sahobalar avliyolarning peshqadami, muttaqiylarning saralari, mo‘minlarning eng go‘zal namunasi hamda Payg‘ambarlardan keyin insoniyatning eng afzali ekanliklariga ittifoq qilishgan. Darhaqiqat, sahobalar Payg‘ambarlarning eng afzali va so‘nggisini ko‘rganlari, yengil va og‘ir kunlarda ham u Zotning yonlarida turishgani hamda...

Biz hammani birdan yoqasidan tutmasligimiz lozim

Abu Salama roziyallohu anhu Madinaga hijrat qilishga ahd qildi. Xotini Ummu Salama bilan o‘g‘li Salamani bitta tuyaga, o‘zi bitta tuyaga minib yo‘lga chiqdi. Makkadan endi chiqqan paytida Ummu Salamaning qavmi Bani Maxzumdan kishilar kelib: «O‘zing ketaver, ammo xotiningni ketgani qo‘ymaymiz», deb xotini bilan bolasini olib ketishdi. Abu Salama...

Bu ummatning eng ishonchli kishisi

Sahobalar uchun eng muhim maqsad Allohning diniga xizmat qilish, Uning rizosiga erishish edi! Umar ibn Xattob roziyallohu anhu Xolid ibn Valid roziyallohu anhuni qo‘mondonlikdan bo‘shatib, o‘rnilariga Abu Ubayda roziyallohu anhuni qo‘mondon etib tayinlaydilar......

Abu Ubayda ibn Jarroh

Abu Ubayda Omir ibn Abdulloh ibn al-Jarroh ibn Hilol (Alloh undan rozi bo‘lsin), mashhur sahobalardan. Makkalik ilk musulmonlar qatori Islomga kirgan. U Quraysh qabilasining Bani Fixr urug‘idan bo‘lib, sulolasi yettinchi otada (Fixrda) Payg‘ambarimiz sollallohu alayhi vasallamning sulolalari bilan birlashadi......

Oxirgi vafot etgan sahobalar ro‘yxati

Savol: Men shu paytgacha eng oxirgi vafot etgan sahoba Anas ibn Molik deb yurardim. Kuni kecha masjidda bir namozxon eng oxirgi vafot etgan sahoba Abu Tufayl ekan, deb qoldi. Iltimos, shunga aniqlik kiritsangizlar......

Payg‘ambar sharaflagan xonadon egasi (Abu Ayyub Ansoriy roziyallohu anhu)

Xolid ibn Zayd ibn Kulayb Hazrajiy Ansoriy roziyallohu anhu Abu Ayyub Ansoriy nomi bilan mashhur bo‘lgan madinalik taniqli sahobiylardan. Madinaning Hazraj qabilasidan, Bani Najjor urug‘idan......

Hudayr

Rasululloh sollallohu alayhi vasallam bir necha askarni bir topshiriq bilan jo‘natdilar. Ular ichida Hudayr ismli sahoba ham bor edi. O‘shanda ocharchilik bo‘lib, odamlarda ovqat kamayib ketgan edi......

Salmoni forsiy necha yil yashagan?

Savol: Salmoni forsiy roziyallohu anhu 250-350 yil yashagan ekan, deb eshitdim. Shu gap rostmi?......

SA'D IBN ABU VAQQOS (r.a.) ning to‘liq ismi...

SA'D IBN ABU VAQQOS (r.a.) ning to‘liq ismi Molik ibn Vahb ibn Abdumanof al-Qurayshiy Zahriy(taxminan 590-674) bo‘lib, sahoba va makkalik ilk musulmon, Muhammad (s.a.v.)ning qo‘riqchilaridan biri bo‘lgan......

Fikr qo'shish