Meni ajablantirgan ulug‘ sahoba
Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
Umar ibn Xattob roziyallohu anhuning ushbu gaplaridan doim ajablanaman:
«Men yolg‘onchi-xiyonatkor emasman. Yolg‘onchi xiyonatkorlar meni alday olishmaydi».
Sayyidimiz Umar ibn Xattob roziyallohu anhuning shaxsiyatlari meni doimo hayratlantiradi.
U zot roziyallohu anhu qattiqqo‘llik lozim bo‘lgan o‘rinda qattiqqo‘l edilar. Hattoki insonlar «bu inson hech yumshamasa kerak», deb o‘ylashar edi.
Yumshoqlik taqozo qilinadigan o‘rinda shunchalik yumshoq bo‘lar edilarki, hatto kishilar «bu inson qattiqqo‘l emas», deb o‘ylashar edi.
Umar roziyallohu anhu ishlarning tafsilotigacha e’tiborli edilar. Kishilar «bu insonning nazaridan hech narsa chetda qolmaydi», deb o‘ylashar edi.
O‘rtadagi muhabbatni saqlash uchun ba’zi narsalarda o‘zlarini bilmaslikka solsalar kishilar «bu kishi eshitmaydi ham, ko‘rmaydi ham», deyishar edi.
Hamma narsani o‘z joyiga qo‘yish hikmat hisoblanadi. Bu dohiylikdir. Kerak o‘rnida ehtiyotkorlik, kerak o‘rnida shafqat, kerak joyida qattiqqo‘llik...
Bu narsalardan birini boshqasining o‘rnida qo‘ymoq halokat va zulmdir.
Xullas, tutgan o‘rning taqozosiga ko‘ra bo‘lmog‘ing, aqlni o‘z o‘rniga qo‘ymog‘ing, qalbni o‘z o‘rniga qo‘ymog‘ing, qamchini o‘z o‘rniga qo‘ymog‘ing hikmatdir.
Hech qachon «ha»ning o‘rniga «yo‘q» va aksincha «yo‘q»ning o‘rniga ham «ha» demagin. Nuqtaning o‘rniga vergul qo‘yma!
Agar eshikni sal ochib qo‘yish hikmat bo‘lsa, uni oxirigacha yopma. Sodda emas, pishiq bo‘lgin. Ehtiyotkor kishilar ehtiromga sazovordirlar. Soddalarni ezib tashlashadi.
Man qilishga qodir bo‘laturib saxiy bo‘lgin. Insonlar ko‘p o‘rinlarda birovdan foydalanishga usta bo‘lishadi.
Mana shularning bari hikmat deyiladi do‘stim! Agar senga hikmat berilgan bo‘lsa ko‘p yaxshiliklar berilibdi!
Salomlar bo‘lsin qalbingga!!!
Abdulqodir Polvonov tayyorladi