Ayollar jamoasi
Abdulloh ibn Umar r.a. dan rivoyat qilinadi, Rasululloh sallollohu alayhi vasallam:
- “Ey, ayollar jamoasi, sadaqa qilinglar, istig‘forni ko‘proq aytinglar. Albatta, men sizning ahli do‘zaxning ko‘pi ekaningizni ko‘rdim” - dedilar. Ulardan bir gapga usta ayol:
- “Ey, Allohning Rasuli, bizga ne bo‘ldiki, ahli do‘zaxning ko‘pi ekanmiz?” - dedi. U zot salollohu alayhi vasallam:- “La'natni ko‘paytirasiz, erga kufr keltirasiz. Sizga o‘xshagan aqli va dini noqislarni aql egasi ustidan g‘olib bo‘lishini ko‘rmadim” - dedilar. Boyagi ayol:
- “Ey, Allohning Rasuli, aql va dinning nuqsoni nimadir?” - dedi. U zot sallollohu alayhi vasallam:
- “Aqlning nuqsoniga kelsak, ikki ayolning guvohligi bir erkakning guvohligiga to‘g‘ri keladi. Bu aqlning nuqsonidir. Ayol bir necha kunlarni namoz o‘qimay o‘tkazadi va Ramazonda ro‘za tutmaydi. Bu dinning nuqsonidir” - dedilar.
(Imom Buxoriy, Muslim rivoyati)