Tahorat duolari
Tahorat olishdan avval ushbu duo o‘qiladi:“A'uzu billahi minash-shaytonir rojiym. Bismillahil a'ziym. Valhamdu lillahi 'ala diynil Islam”.
(Ulug‘ Allohning ismi bilan quvilgan shaytonning yomonligidan Allohdan panoh tilayman. Islom dini uchun Allohga hamd bo‘lsin.)
Tahoratni boshlab, ikki qo‘lni yuvayotganda: “Alhamdu lillahil-laziy ja'alal maa tohuron val islama nuron”.
(Suvni ham, islom dinini ham poklik manbai qilib yaratgan Allohga hamd bo‘lsin.)
Og‘izni chayayotganda: “Allohumma a'inniy 'ala tilavatil Qur'an va zikrika va shukrika va husni 'ibadatik”.
(Allohim, Qur'on o‘qish, Seni zikr etish, Senga shukr qilish, chiroyli ibodat qilish uchun yordam ber.)
Burunga suv tortayotganda: “Allohumma arihniy roihatal jannati va la turihni roihatan nar”.
(Allohim, meni jannat hididan bahramand et, do‘zax isidan nari tut.)
Yuz yuvayotganda: “Allohumma bayyid vajhiy yavma tabyaddu vujuhun va tasvaddu vujuh”.
(Allohim, yuzlar oq va qora bo‘ladigan kuni yuzimni yorug‘ qil.)
O‘ng qo‘lni yuvayotganda: “Allohumma a'tiniy kitabiy biyamiyniy va hassibni hisaban yasiyro”.
(Allohim, qiyomat kuni amal daftarimni o‘ng tarafimdan ber va hisobimni oson qil.)
Chap qo‘lni yuvayotganda: “Allohumma la tu'tini kitabi bi shimali va la min varoi zohriy”.
(Allohim, amal daftarimni chap tarafimdan ham, orqadan ham bermagin.)
Boshga mash tortayotganda: “Allohumma azillaniy taxta zilli arshika yavma la zilla illa zillu arshik”.
(Arsh soyasidan boshqa soya topilmaydigan kuni meni uning soyasi bilan soyalantir.)
Quloqqa mash tortayotganda: “Allohummaj'alniy minallaziyna yastami'unal qovla fayattabi'una ahsanah”.
(Allohim, meni yaxshi gaplarni eshitib, unga ergashuvchi qil.)
Bo‘yinga mash tortayotganda: “Allohumma a'tiq raqobatiy minan nar”.
(Allohim, vujudimni jahannam otashidan muhofaza qil.)
O‘ng oyoqni yuvayotganda: “Allohumma sabbit qodamayya 'alas siroti yavma tadillu fihil aqdam”.
(Qiyomat – oyoqlar toyguvchi kunda oyoqlarimni (Sirot ko‘prigi)dan toydirmagin.)
Chap oyoqni yuvayotganda: “Allohummaj'al zanbiy mag‘furon va sa'yi mashkuron va tijarotiy lan taburo”.
(Allohim, gunohlarimni mag‘firat et, amallarimni go‘zal va tijoratimni zararsiz qil.)
Tahoratdan so‘ng: “Ashhadu an la ilaha illalloh va ashhadu anna Muhammadan abduhu va rosuluh. Allohummaj'alniy minat tavvabina vaj'alniy minal mutatohhiriyn”.
(Shahodat beraman, Allohdan boshqa iloh yo‘q va Muhammad (s.a.v.) Uning bandasi va rasulidir. Allohim, meni tavba qiluvchi va poklanuvchilardan qil.)
Tahorat vaqtida duolarni o‘zbekchasini aytib qilsa ham bo‘ladi.