Men BAXTLI bo'laman ishonavering uzbekcha she'r

Bir kun malikaga o'xshab qolaman,
Gul qadalgan oppoq libos olaman,
Muzdek yuraklarga o'tlar solaman,
Men BAXTLI bo'laman ishonavering.

Bir kun ko'z o'ngimda gulaydi baxor,
Oyqizlar havasla aytishar yor-yor,
Menga gullar tutar meni suygan yor,
Men BAXTLI bo'laman ishonavering.

Bir kun mahkam quchib dadam poyini,
Sog'inchla aylanib uy har joyini,
Yig'lab tark etsamda Ota uyimni,
Men BAXTLI bo'laman ishonavering.

Bir kun yor-yorlarga to'lar samolar,
Yo'limda tutashar ko'kka olovlar,
Bobom va buvimdan olib duolar
Men BAXTLI bo'laman ishonavering.

Bir kun xonamga baxtlar to'ladi,
Oynadan go'zal bir kelin kuladi,

Dadam juft Oyim ham ikkita bo'ladi,
Men BAXTLI bo'laman ishonavering.

Bir kuni yuzimga upalar surib,
Boshimga popukli romollar o'rab,
Qizchalar chiqqanda ro'molcha so'rab,
Men BAXTLI bo'laman ishonavering.

Bir kuni charog'on bo'ladi kunlar,
Guldonda ochilar oq atir gullar,
Hovli ko'chalarga sepganda suvlar,
Men BAXTLI bo'laman ishonavering.

Birkun ular uchun sarpo teraman,
Ko'zlariga o'tdek yonib turaman,
Borsangiz sizga ham salom beraman,
Men BAXTLI bo'laman ishonavering.

Bir kun fayizli bir joy tuzataman,
Dadajon, Oyijonga choy uzataman,
Begimni ko'chaga shod kuzataman,
Men BAXTLI bo'laman ishonavering.

Birkun polvonimga aytsam allalar,
Uyimga to'lar so'ng beshik yallalar,
Toybola onasi bo'lgan pallalar,
Men BAXTLI bo'laman ishonavering.

Bir kun nigoxlarim bo'lar bo'lakcha,
Orzularim sari BAXTdan yo'lakcha,
Qizchamga kiydirib atlas ko'ylakcha,
Men BAXTLI bo'laman ishonavering.

Bir kuni boshimdan yog'ar yog'dular,
Meni tark etadi g'amlar qayg'ular,
Farzandlarim uchun qilib orzular,
Men BAXTLI bo'laman ishonavering.

Bir kun termulsalar ko'zimga kulib,
Ko'zlaridan boqiy sevgisin bilib,
Begim bekligini duvolar qilib,
Men BAXTLI bo'laman ishonavering.