Izlaganmiding? sevgi haqida she'r

Yuragimda bitilar bazan go'zal bayt, 
Qalbim yolg'izlandi, yonginamga qayt.
Birgina javobing, savolimga ayt, 
Muxabbat, sen meni izlaganmiding?

Uchgim kelar goxo Xumodek bo'lib, 
Yuraman o'ylanib, o'zimcha kulib. 
Yurakda umidlar yotganda so'lib, 
Muxabbat, sen meni izlaganmiding?

Ko'ksimda otashin o'chmas olovsan, 
Xar satrlarimda mungli navosan. 

Baxor gullaridek ajib mavosan, 
Muxabbat, sen meni izlaganmiding?

Bormoqdaman senga kundan kun ilib,
Ne kerak? Ne istaysan qalbimni tilib? 
Qiynama bunchalar devona qilib, 
Muxabbat, sen meni izlaganmiding?

Yo'ling poylab doim toldi ko'zlarim, 
Aytarli qolmadi biror so'zlarim. 
Hazon bilan birga o'tar kuzlarim, 
Muxabbat, sen meni izlaganmiding?

Xamrox yolg'iz menga bu qaro tunim, 
Yodimga tushmasang o'tmaydi kunim. 
Bir so'z aytay desam chiqmaydi unim, 
Muxabbat, sen meni izlaganmiding?

Shirin uyqularim ko'zimdan olib, 
Dilimga orziqish, xayajon solib. 
Yonma yon kelmasdan ortimda qolib, 
Muxabbat, sen meni izlaganmiding?