Bir yigitning xasratli xikoyasi
Shu yilgacha onam sog'lom edi. To'g'rirog'i men shunday deb o'ylagan ekanman. Chunki onam namozlarni tik turib ado qiladigan, ramazon ro'zalarini, xatto nafl ro'zalarni xam qiynalmasdan tutadigan, nafl ibodatlarni aslo kanda qilmaydigan muhlisa ayol edi. Men xam namoz o'qiyman, ro'zalarni tutaman. Men ramazon oyida ota-onam bilan birga saxarlik qilishni, ular bilan birga o'tirib iftorlik qilishni o'zim uchun unchalik muxim sanamas edim. To'g'risini aytsam, ularning hizmatini qilishga biroz beparvo edim. Shuning uchun bo'lsa kerak, saxarlik va iftorlikda ular nima eb-ichayotganiga xam e'tibor qilmaganman. O'zim esa saxarlik vaqti tugashiga o'n daqiqa qolganda uyg'onib, dasturhonda nima bor bo'lsa, shuni eb-ichib og'iz yopardim va bomdodni o'qib yana uyquni davom ettiraverar edim.
Ota-onam bilan birga saxarlik qilishimiz uchun hotinimga “taom tayyorlab ber” deb aytmaganman. Hotinimni ayaymanmi yoki undan qo'rqamanmi bilmadim?! Balki hotinim ro'za tutmagani uchun uni tong saxarlab uyg'otgim kelmagandir. Extimol ...
Farzandlarim yoki hotinim betob bo'lib qolsa, darxol do'htirga chopaman. Lekin onamni biror marta do'htirga olib borganimni, uning sog'ligi uchun tunlari bedor bo'lib qayg'urganimni eslolmayman. Onam esa do'htirga o'zi borib ko'rinar edi. Indamagani uchun bo'lsa kerak, yahshi ekan deb hotirjam yuraveribman. Aslida, uch-to'rt yil oldinoq do'htir onamga ro'za tutishni taqiqlagan ekan. Musulmon bo'la turib ro'za tutmaslikni tasavvur qila olmagan onam qiynalib bo'lsa xam ro'za tutaveribdi. Do'htir onamga parhezni buyurganini bilar edim. Lekin onamga nima mumkin, nima esa mumkin emasligini men notovon so'rab xam ko'rmabman. Uyga bozorlik qilsam, o'zimga yoqadigan narsalarni harid qilib kelaverar edim. Hotinim nimani yoqtirishini bilamanu, lekin onam nimalarni yoqtirishini bilmayman.
Endi esa onamning betobligi g'olib kelib, bu yildan (2018) boshlab ro'zani tutolmayapti. Namozlarni xam deyarli o'tirib o'qiyotgan ekan.
Onam xajga olib borishimni rosa hoxlar edi. Imkonim bo'la turib, buni xam shu kungacha ortga surib keldim. Xozirgi kunga kelib uzoq safar qilishga toqat qilolmaydigan bo'lib qoldi.
Bu yil xam ro'za tutyapman. ...
Endi onamga saxarlik yoki iftorlik qilib berishimning foydasi yo'q. Endi onam bilan birga saxarlik qiladigan bo'lsam, tong saxar onamni bezovta qilgan bo'laman. Chunki onam ro'za tutolmaydi.
Afsusdaman, duo qilinglar, Allox taolo onamga shifo bersin, onam bilan birga saxarlik va iftorlik qilay, onamga saxarlik va iftorlik taomlarini o'z qo'llarim bilan edirib qo'yay, iltimos duo qilinglar!
Xa, azizlar, extimol biz xam mazkur yigit kabi beparvolikka yo'q qo'yayotgan bo'lishmiz mumkin. Ota-onamizni g'animat bilaylik. Umr o'tib boryapti, ota-onamiz bizni kutib turishmaydi.