Ota va Qiz

Tobut odamlar yelkasida qo'lma qo'l borar, bir qizaloq nimalar bo'layotganini tushunmay ʺAdajon, menam boramanʺ, deb ergashib yig'lamaganni xam yig'latardi. Qizaloq otasini qaerga olib ketishayotganini bilganda shunday dermidi? Mayyitni qabristonga qo'yib kelishdi xamki qizaloq yig'idan to'htamadi, xar bir erkakka yopishib, adajonisini so'rardi: ʺAdajonim qani, nimaga sizlar bilan
kelmadi? ʺAmmo xech kim unga adajoningni ko'mib keldik deya olmasdi. Yuragim to'lib, sabrim chidamay, unga bir nimalar degim keldi. Asta borib, qizchaning qo'lidan tutdim. U umid bilan menga tikildi. Ko'zlarining ichi qizarib, yuragi kuyib, lablari yorilib ketibdi. Bir
chekkaga boshladim. U savollariga javob beradigan odamni topib olgandek jon deb menga ergashdi. Suv ichirdim, sal o'ziga keldi. Pinjimga tikilib, og'ir hursindi.

- Allohni bilasanmi qizim? deb barmoqlarim bilan sochlarini taradim. U menga shoshib qaradida.

- Alloh bitta, adajonim aytgan, dedi biyrongina qilib.
- Adajoning shunaqa degan bo'lsa, u solix odam ekan, dedim, eslab ko'rchi adajoning yana nima degan?
- Allohni aytganini qilish kerak...

- Ey, barakalla dedim quvonib, sen men o'ylagandan xam aqlli qiz ekansan. Adajoning to'g'ri aytibdi. Allohning aytganini xamma qilishi kerak. Mana Alloh adajoningni oldiga chaqirdi. Adajoning Allohni aytganini qilib ho'p deb ketdi.
- Lolani adasini nimaga chaqirmadi?

- Unaqa deb bo'lmaydida qizalog'im, Alloh o'zi xoxlagan odamlarini chaqirib oladi, sening adajoningni xoxlabdimi, shunga chaqirib oldi.
- Alloh adajonimmi yahshi ko'radimi?

- Bo'lmasamchi, sendek qizchasiga Allohni tanitdi-yu yomon ko'radimi?
- Alloh jannatda turadimi?
- Vox jannatniyam bilasanmi?
- Bilaman adajonim aytganlar, Allohni aytganini qilsang jannatga tushasan deganlar.
- Aytdimku, adajoning rostanam solix odam ekan.

- Adajonim qaytib keladimi?
- Ana xolos, jannatga xamma kirsam deydi, sen qaytib kelishni xoxlaysanmi?
- U yerda adajonim kasal bo'lmaydimi?
- Bo'lmaydi!
- Oyim bilan ko'rgani boramizmi?
- Alloh xoxlasa borasizlar qizim.
- Qachon boramiz?
- Alloh chaqirgandada asalim.
- Qachon chaqiradi?
- Unisini bilmadim, qachon chaqirishni Allohning o'zi biladi.

- Lola adajonimni so'rasa jannatga ketgan, deymi?
- Xa, xa . . . InshoAlloh shunday degin, dono qizim. Endi menga aytchi, adajonisi jannatga ketgan qizlar yig'laydimi, yig'lamaydimi? U
ikkilanib bosh qimirlatdi. Yig'lamaslikka va'dasini oldim. Uch kun aza ichida qizchani kuzatdim.

U yig'lmadi...