Shokoladli glazur

Turli xil pishiriq va shirinliklarni bezatishda glazurning o’rni katta. Shokoladli glazur tayyorlashda ba’zi bir tavsiyalarga amal qilinsa, u oqib ketmaydi, pishiriqqa mustahkam o’rnashadi.

GLAZUR TAYYORLASH RETSEPTI

Tayyorlash vaqti: 1 soat | Portsiyalar soni: 1

Kerakli masalliqlar:

Kakao – 4 osh qoshiq;
Shakar – 12 osh qoshiq;
Sut – 8 osh qoshiq;
Sariyog’ – 50 g;
Ta’bga ko’ra vanilin.
Tayyorlanishi:

1. Barcha masalliqlar tayyorlab olinadi. Sirli idishda shakar va kakao kukuni bir xillikka yetguncha aralashtiriladi.

2. Aralashmaga iliq sut qo’shiladi, shakar erishi uchun idish olovga qo’yiladi va aralashma qaynatiladi.

3. Qaynab chiqqach, olov o’chiriladi. Aralashma biroz sovugach, unga sariyog’ qo’shiladi. So’ng quyuqlashishi uchun 30 daqiqaga qoldiriladi.

Glazur tayyor. Agar aralashma juda quyuq bo’lib ketsa, uni olovga qaytarib, biroz suv qo’shgan holda yana bir bor qaynatib olish kifoya. Quyultirish uchun esa yana shakar qo’shish kerak. Masalliqlarning yuqoridagi nisbati bo’yicha glazurni istalgan miqdorda tayyorlash mumkin. Yanada yumshoq va havodor bo’lib chiqishi uchun esa olovdan olgach, mikser yordamida urib olish tavsiya etiladi.