Qattiq pishloq resepti - uy sharoitida tayyorlash usuli, bosqichlari

Qattiq pishloq resepti - uy sharoitida tayyorlash usuli, bosqichlari

Pishloq tayyorlash usullari juda ko’p. Ushbu maqolada sigir sutidan tayyorlanadigan oddiy pishloqning resepti keltiriladi.

PISHLOQ TAYYORLASH RESEPTI
Tayyolash vaqti: 1 soat
Kerakli masalliqlar:

Sut – 1 litr (2,5 – 6 % yog’li);
Tvorog – 1 kg;
Sariyog’ – 100g;
Tuxum – 1 ta;
Iste’mol sodasi – 1 choy qoshiq;
Tuz – 1 choy qoshiq (to’ldirmasdan).
Tayyorlanishi:

Sut qaynashgacha olib boriladi. So’ng unga tvorog qo’shiladi va yana 3 daqiqa qaynatiladi.

Hosil bo’lgan massa doka matoga solib, zardobi chiqarib tashlanadi. U tomchilamay qo’ysa, majburlab qisib chiqarish kerak emas, shu holatning o’zi yetarli.

Idishda sariyog’ eritib olinadi, so’ng unga iste’mol sodasi va tuz qo’shiladi.
Erigan sariyog’ga tvorog qo’shiladi va 5 daqiqa davomida aralashtirib turgan holda past olovda qaynatiladi.
Alohida idishda tuxum urib aralashtirib olinadi va tvorogga qo’shiladi, barchasi yaxshilab aralashtiriladi. So’ng idish olovdan olinadi, biroz sovutiladi.
Hosil bo’lgan massa idishga solinadi va 3-4 soatga sovutgichga qo’yiladi. Pishloq tayyor.
Ta’bga ko’ra uy sharoitida tayyorlanadigan pishloqqa ko’katlar va biroz miqdorda maydalangan sarimsoq qo’shish ham mumkin.

Fikr qo'shish