Manti tayyorlash retsepti - go'shtli, qovoqli va jag'-jag'li turlari, tavsiyalar

Manti tayyorlash retsepti - go'shtli, qovoqli va jag'-jag'li turlari, tavsiyalar
Manti tayyorlash retsepti - go'shtli, qovoqli va jag'-jag'li turlari, tavsiyalar


Manti – Markaziy Osiyo, Turkiya, Mo’g’uliston va Koreya xalqlarining an’anaviy taomidir. Ushbu taomning ta’mini so’zlar bilan ifodalab bo’lmaydi: bug’da pishirilgan go’sht bilan yupqa xamirning ajoyib kombinatsiyasi. Oshpaz manti tayyorlash sirlarini bilsa, taom og’izda eriydi. Sizning e’tiboringizga taqdim etiladigan retsept hatto eng zamonaviy gurmanlar tomonidan ham ijobiy baholanadi.

Manti an’anaviy tarzda go’shtdan tayyorlanadi, ammo o’zbek oshxonasiga qovoq va jag’-jag’ solib tayyorlangan manti ham begona emas. Maqolada ularning barchasi ko’rib chiqiladi. Dastavval go’shtli turidan boshlasak. Shunday qilib, toshkentcha manti bilan tanishing.

GO’SHTLI MANTI TAYYORLASH RETSEPTI
Tayyorlash vaqti: 1,5 soat | Portisyalar soni: 7 kishiga
KERAKLI MASALLIQLAR
Xamiri uchun:

Oq un – 0,5 kg.
Tuxum – 1 dona.
Tuz – 1 choy qoshiq.
Suv.
Go’shtli qiyma uchun:

Qo’y yoki mol go’shti – 1 kg.
Piyoz – 0,5 kg.
Zira – 1 choy qoshiq.
Murch – 1 choy qoshiq.
Dumba yog’i yoki sariyog’ – 100g.
TAYYORLASH BOSQICHLARI:
1-QADAM
Dastavval xamir qorib olish kerak: idishga 500 g oq un solib, unga bitta tuxum chaqib soling va asta-sekin tuzli suv solib, xamir tayyorlang. So’ng xamirni ustini polietilen yoki sochiq bilan yopiq, 20 daqiqa dam bering.


2-QADAM

Go’shtli manti nachinkasini ikki usulda tayyorlash mumkin: go’shtni to’g’rama qilib yoki qiymalagichdan chiqargan holda.

Go’shtga mayda qilib to’g’ralgan piyoz, murch, zira va biroz tuz qo’shish kerak. Agar to’g’rama usulda tayyorlanadigan bo’lsa, charvi yoki sariyog’ tomonlari 1 sm bo’lgan kubik qilib to’g’raladi va go’shtli aralashmaga solinadi. Barchasi yaxshilab aralashtiriladi.


3-QADAM


Dam olib bo’lgan xamir qalinligi 0,5-1 mm qilib yoyiladi, so’ng tomonlari 10-12 sm bo’lgan kvadrat qilib kesiladi. Har bir kvadratga 1-2 osh qoshiq nachinka qo’yiladi. Xamirning tomonlari dastlab “X”, so’ng yonma-yon qilib birlashtiriladi (quyidagi rasmga qarang).


4-QADAM
Manti maxsus idish – qasqonda pishiriladi. Qasqon biroz yog’lanadi, so’ng orasida 2 sm`dan joy qoldirib mantilar teriladi. Qasqonning suv uchun mo’ljallangan qismiga yarimidan ozroq ziyod qilib to’ldirib suv quyiladi, qaynagach, unga qasqonning manti terilgan lappagi kiydiriladi va taom 45 daqiqa davomida pishiriladi.

QOVOQLI MANTI RETSEPTI
Ushbu turdagi taomning xamiri huddi yuqoridagi kabi tayyorlanadi. Nachinkasi esa boshqacha masalliqlardan iborat, demak:

Kerakli masalliqlar:

Qovoq – 300 g.
Piyoz – 3 dona.
Tuz – 1 choy qoshiq.
Shakar – 2 choy qoshiq.
Murch – 1 choy qoshiq.
Dumba yog’i yoki sariyog’ – 50 g.
Lappakni yog’lash uchun o’simlik moyi.
Tayyorlanishi:

Yuqoridagi retsept bo’yicha xamir tayyorlanadi.
Qovoq po’stidan tozalanadi, so’ng tomonlari 5-6 mm bo’lgan mayda kubik shaklida to’g’raladi. Piyoz ingichka qilib maydalanadi, tuz, shakar va murch qo’shiladi, ta’bga ko’ra yarim choy qoshiq zira qo’shish mumkin. Barchasi yaxshilab aralashtiriladi, so’ng chetga olib turiladi.
Xamir qalinligi 1 mm qilib yoyiladi, 10-12 sm`lik kvadratlarga kesiladi.
Har bir kvadratga 1-2 choy qoshiqdan nachinka qo’yib, yuqorida ko’rsatilganidek tugiladi. So’ng yog’langan lappakka terib, 45 daqiqa davomida pishiriladi.
JAG’-JAG’LI (KO’KDAN) MANTI TAYYORLASH
Ushbu taom turi ayniqsa bahorda ko’p tayyorlanadi. U vitaminlarga boy bo’lib, sovuq qishdan keyin kuchlarni tiklash uchun ayni muddao. Qolaversa, uning ta’mi ham juda ajoyib.

Kerakli masalliqlar:

Jag’-jag’ – 1 kg.
Piyoz – 0,5 kg.
Dumba yog’i – 100 gr.
Tuz – 0,5 osh qoshiq.
Ta’bga ko’ra ziravorlar.
Tayyorlanishi:

Jag’-jag’ oqar suvda yuvib tozalanadi, tomirlari kesib tashlanadi. Imkoni bo’lsa, jag’-jag’ning bir qismini 200 g ismaloq yoki 200 g otquloq yoki har ikkalasing kombinatsiyasi bilan almashtirish mumkin. Taom yanada mazali va vitaminlarga boy bo’ladi.
O’tlar yirik qilib to’g’raladi, mayda qilib to’g’ralgan piyoz va dumba yog’i bilan aralashtirib, tuzi rostlanadi va ta’bga ko’ra ziravor qo’shiladi.
Xamir yuqoridagi retsept bo’yicha tayyorlanadi, 1 mm qalinlikda qilib yoyiladi, kvadrat qilib kesiladi. Unga 1-2 choy qoshiqdan ko’kli nachinka qo’yib, an’anaviy usulda tugiladi.
Yog’langan qasqon lappagiga terilib, 45 daqiqa davomida pishiriladi.
TAVSIYALAR
Ushbu milliy taomni dasturxonga turli qo’shimchalar bilan tortiq qilish mumkin. An’anaga ko’ra bular suyuq suzma, qatiq, piyozdog’ sanaladi. Uni murch bilan birga iste’mol qilish taomning ta’mini yanada mazali qiladi.

Go’shtli mantining yana keng tarqalgan bir varianti – nachinkadagi go’sht ulushining teng yarmini kartoshka bilan almashtirish. Taomning ta’mi bu holda sezilarli o’zgarmaydi, biroq, u to’yimliroq va hamyonbop bo’ladi.

Qovoqli mantiga shakar qo’shishga befarq bo’lmang, bu siz o’ylagandek uning ta’mini shirin qilib qo’ymaydi, aksincha, mazasiga maza qo’shadi.

Pishirishga qo’yishda suv qaynayotgan bo’lishi kerak, suv endi olovga qo’yilgan bo’lsa, pishirish vaqtiga yana 5 daqiqa qo’shiladi.

"Julyen" pirogi

Fransuz oshxonasining mashhur taomlaridan biri. Juda ham mazali va nozik. Tayyorlanishi oddiy, natijasi dasturxon davrasida barchani lol qoldirish bilan birga, lazzatlanishni taqdim etadi. Taomnoma uchun chinakam yangilik! Ushbu retseptni albatta tayyorlang!...

Balish

Kartoshka, dumba mayda kubik qilib to'g'raladi. Ko'katlar tozalab to'g'raladi. Ziravorlar qo'shib aralashtiriladi. Hamir tayyorlanishi: Un ichiga margarinni to'g'rab solamiz. Va urvoq xoliga keltiramiz. Qatiqni kosaga solib, va iste'mol sodasi, tuz, tuhum oqini qo'shib, yahshilab aralashtiramiz. Va unli massaga qo'shib, hamir qoramiz. Tayyor hamir...

"Qo'ziqorin" gazagi

Ajoyib va nozik gazak! Tayyorlanishi oddiy, natijasi dasturxon davrasida go'zal ko'rinishi va ta'mi bilan barchani lol qoldiradi. Taomnomadan o'z o'rnini egallaydi. Ushbu retseptni albatta tayyorlang!...

Pitsa tayyorlash: uy sharoitida, usullari, retsepti, xamiri, masalliqlar, sirlari

“Pitsa” Italiya milliy taomi hisoblanadi. Bugungi kunga kelib bu tansiq ochiq pirogni butun dunyo ahli sevib iste’mol qiladi. Pitsa – bu yumaloq shaklga ega ochiq pirog bo’lib, uni asosini tomatli yoki pomidorli sous va erigan pishloq tashkil etadi. XVII asrda paydo bo’lgan bu taomni hozirgi kunda juda ko’p retseptlari va tayyorlash usullari...

Qo'ziqorin-kartoshkali rulet

Mazali, tez va to'yimli. Tayyorlanishi oddiy, natijasi dasturxon davrasida barchani lol qoldirishi turgan gap. Taomnoma uchun yangilik. Ajoyib gazak o'rnini va mazali pirog o'rnini ham egallaydi. Ushbu retseptni albatta tayyorlang!...

Kesma lag'mon

Qozonga 1 cho'mich yog' solinadi. Yog' qizigach, to'g'ralgan piyoz solib, qizargunicha qovuriladi. So'ng, yirik somoncha shaklida to'g'ralgan go'sht solinadi. Go'sht biroz qovurilgach, ustiga to'g'ralgan pomidor solinadi va qovurishda davom etiladi. Pomidor ezilib, yo'q bo'lgach, 1 kosa suv solinadi. Suv qaynab chiqqach, olov pasaytirilib, go'sht...

Qatlama tayyorlash retsepti - bosqichma-bosqich ko'rsatma + foto

O’zbek milliy xamirli pishiriqlarining turli xillari mavjud va ularning barchasi o’ziga xos ravishda juda mazalidir. Ana shunday pishiriqlardan biri qatlama bo’lib, u qavatli xamirni yog’da qovurish usulida tayyorlanadi. Uning retsepti quyida batafsil....

Qattiq pishloq retsepti

Ko'pchilikning sevimli mahsuloti bo'lgan pishloq retseptini e'tiboringizga taqdim etamiz! Bu juda ham mazali! Ushbu retseptni albatta tayyorlang!...

Pishloqli karp balig'i

Bayram dasturxoni uchun ajoyib tanlov! Nozi, deyarli og'izda butunlay erib, mo'jizaviy lazzatlanish baxtini taqdim etadi. Tayyorlanishi oddiy, natijasi dasturxon davrasida barchani lol qoldiradi. Ushbu retseptni albatta tayyorlang!...

Patir tayyorlash resepti - piyozli va piyozsiz turlari, tavsiyalar

Patir (fatir) – Osiyo mamlakatlari xalqining an’anaviy hisoblanadigan pishirig’i, u choyga ham, ovqatga ham ajoyib qo’shimcha bo’ladi. Ushbu retseptdagi patirni piyoz bilan ham, piyozsiz ham tayyorlash mumkin....

Fikr qo'shish