Anor mevasining foydali hususiyatlari

Xammamizga ma'lumki kuz kirib kelishi bilan o'lkamizda anor va hurma pishib etiladi. Demak, bu mevalarni iste'mol qilish ayni vaqti. Shu sababli biz, siz azizlarimizga bugun anor mevasining foydali xususiyatlari xaqida va nega uni iste'mol qilish foydali ekanligi borasida to'htalishni lozim topdik.

Anor mevasi barcha mevalarning qiroli xisoblanadi. Uning to'q qizil rangi ko'zni qamashtiradi. Anor nafaqat mazali, balki vitaminlarga boy, uzoq yillar mobaynida tabobatda xam qo'llanilib kelinadigan mevalardan biridir. Anor foydaliligi tan olingan bo'lib, unda organizmning yahshi faoliyat ko'rsatishi uchun barcha kerakli vitaminlar mavjud.

Agar siz go'sht maxsulotli taomlarni iste'mol qilmasangiz va vegetarian bo'lsangiz, albatta shu meva sizning dasturhoningiz ustida doimiy ravishda bo'lishi kerak. Chunki unda go'sht maxsulotida mavjud 15 aminokislotalar bor. Unda yana asosiy bo'lgan S, R, B6 va V12 to'rt vitaminlari mavjud. Anor yana yod, kaliy, kal'ciy, temir va kremniy kabi minerallarga boy.

Anor ustki qismidan qurigan, ichi esa yahshi pishgan va suvli bo'lishi kerak. Chunki siz anorni po'sti silliqroq vaqtida uzib olgan bo'lsangiz u taqdirda anor xali yahshi etilib pishmagan bo'ladi. Shuning uchun anorni po'sti quriganroq bo'lishi kerak. Anorning po'sti bizga uning pishgan yoki pishmaganligi xaqida bilish imkonini yaratadi. Anor sharbati juda xam foydali bo'lib, uni qon kamlik kasalligida, aterosklerozda, bronhial astmada, anginada, diabet kasalliklarida iste'mol qilish tavsiya etiladi.
 
Anorning po'sti, doni xam foydalidir. Ularning xar biridan turli yo'nalishlarda foydalaniladi. Anorning po'stini choyga qo'shib ichilsa, u uyqusizlik dardiga uchraganlarga va asab tizimi toliqqan va stress xolatda yurgan insonlarga foydalidir. Yana tomog'ingiz orib qolsa, shifokor xuzuriga etib borguningizcha anor po'stini qaynatib uning suvida chaysangiz ancha yordam beradi. Chunki uning tarkibidagi organik kislotalar infekciyani yo'q qilish imkoniga ega.


Anorni yana kosmetik vosita sifatida xam ayollarimiz o'z go'zalliklarini saqlash uchun qo'llashlari mumkin. Yuz teringiz yog'li va xusunbuzarlar goxida sizni bezovta qiladimi? U taqdirda siz anor po'stini maydalab zaytun yog'ida salgina qovurib olib, uni muzlatgichda saqlang va xaftada ikki martadan ko'p bo'lmagan xolda yuzingizga niqob qiling.


Shuni aytib o'tish joizki, anor ovqat racioniga kiritilgan bo'lsa va uni iste'mol qilib turilsa yurak xastaliklari yuzaga kelishini va ayollar ko'krak raki oldi olingan bo'lishi mumkin. Anor donalari esa yuqori bosimli kasallar uchun juda foydali, u bosimni sekin-asta tushishiga yordam beradi. Shuni eslatib o'tishimiz kerakki, oshqazon yara kasalligi mavjud insonlarga anorni iste'mol qilish tavsiya etilmaydi. Chunki u juda xam nordon va kislotalidir. Anor sharbatini o'zini ichish tishlarimiz emalini emirilishiga olib kelishi mumkinligi sababli, unga ozgina qaynatilgan suv qo'shib ichish maqsadga muvofiq bo'ladi.