BARVAQT TURIShGA ODATLANING!

BARVAQT TURIShGA ODATLANING!

Payg'ambarimiz sollalloxu alayxi va sallam: “Yo Allox! Ummatimning barvaqt qilgan ishlariga baraka ber!” deb xaqimizga duo qilganlar. Bu duo mag'zini chaqqan ota-bobolarimiz vaqtli turishga odatlanishgan, tongdan ishga kirishishgan. Natijada ko'p yutuqlarga erishishgan. Ular farzandlarini xam shunga o'rgatib borishgan. Milliy urf-odatlarimizga ko'ra, kelinlar erta tongdan ko'chalarga suv sepishadi, xovlini, ko'chalarni supurib-sidirib, saranjom-sarishta qilib qo'yadilar, ahlatlarni olib, yog' tushsa yalagudek top-toza xolga keltiradilar. Bu ishlarda ko'p hayr-baraka bor.
Inson erta tongda turib, yuz-qo'lini yuvib, Yaratganga shukronalar aytib, ibodatdan so'ng ishga kirishsa, ishi barakali bo'ladi. Bu xamma soxaga tegishli. Ilm olishni misol qilib keltiradigan bo'lsak, tong saxarda kitob o'qilsa, ma'lumotlar hotirada yahshi saqlanadi. Chunki uyqu vaqtida dam olgan miya ma'lumotlarni yahshi qabul qiladi.

Dinimiz ta'limotlariga ko'ra, inson barvaqt uyqudan turib, ishlarini bajarib, huftondan so'ng ertaroq uyquga yotadi. Iloji bo'lsa, shomdan keyin ko'chaga chiqmagan ma'qul. Ayniqsa, bolalarni shom paytida tashqariga chiqarmaslik ta'kidlangan. Chunki shom paytida jinlar er yuzi bo'ylab tarqaladi. Ular bolalarga ziyon yetkazib qo'yishi mumkin. E'tibor bersangiz, bemaxalda ko'chada sanqib yurganlarga jin tekkanini, turli ruxiy kasalliklarga chalinganini ko'ramiz. Shariat ko'rsatmasiga amal qilinsa, bunday nohush xolatlar oldi olinadi.
Xadisi shariflarda aytilishicha, huftondan keyin o'zaro gaplashib o'tirish, bexuda ishlar bilan mashg'ul bo'lish ma'qul emas. Ayrim odamlar tun yarmigacha televizor ko'rib, allamaxalda uyquga ketadi. Natijada ertalab juda kech uyg'onadi. Bunday kishilar ro'zg'orida baraka, ishida unum bo'lmaydi. Bunaqa xayot tarzi kishi sog'lig'iga xam zarar keltiradi.
Xadisi sharifda shunday deyilgan: “Rizq talabida barvaqt xarakat qilinglar! Zero, ertalabdan xarakat qilish baraka, muvaffaqqiyat keltiradi” (Imom Tabaroniy rivoyat qilgan).
Ba'zi odamlar rizqi torligidan shikoyat qiladi, “Qancha xarakat qilsam xam birim ikki bo'lmaydi!” deb zorlanadi. Ularning xolatiga quyidagi xadisi sharif izox beradi.
“Tonggi (uyqu) rizq (kelishi)ni to'sadi” (Imom Axmad rivoyat qilgan).
Kim kunini hayrli suratda boshlasa, qolgan qismi xam hayrli bo'ladi, ishlari baroridan keladi, Allox tarafidan o'sha banda rizqiga baraka beriladi. Rivoyatlarda kelishicha, quyosh chiqquncha bo'lgan vaqt oralig'ida rizqlar taqsimlanadi. Rizq taqsimotida ishtirok etmagan banda undan maxrum bo'lgan bilan baravar. Chunki tong otgach xam uyqudan uyg'onmagan banda o'rnidan lanj, dili hira bo'lib turadi. Natijada unda g'ayrat-shijoat bo'lmaydi, biron ishni xafsala bilan qilmaydi. Shuning uchun rizqidan baraka ketadi.