RAMAZONGA TAYYoRMISIZ?
RAMAZONGA TAYYoRMISIZ?
1.Alloxdan ramazon oyiga sog'-salomat yetkazishini xamda Ramazon ro'zasini tutishga musharraf etishini so'rab duo qiling.
Chunki Payg'ambarimiz (sollalloxu alayxi va sallam) Rajab oyi kelsa, Alloxga “Yo Allox, bizga Rajab va Sha'bon oylarini hayrli qilgin va Ramazonga yetkazgin”, deb duo qilar edilar. Shuningdek, saxobiylar xam muborak Ramazon oyi kelmasidan oldin “Allox bizni ramazonga yetkaz”, deb duo qilishga odatlanganlar.
2.Ramazon oyining xar bir kunining rejasini tuzing.
Ramazon – g'animat oydir. Uning xar bir soniyasidan unumli foydalanish lozim. Allox taolo Ramazon oyining xar bir kunini bandalar savoblarini ko'paytirib olishlari boshqa kunlardan ko'ra afzal qilgan.
Payg'ambarimiz (sollalloxu alayxi va sallam) o'ta sahiy zot bo'lsalar-da, Ramazon kirishi bilan sahovatlari, yahshiliklari yanada ortib ketar edi. Abdullox ibn Abbos (roziyalloxu anxumo) aytadi: “Rasulullox (sollalloxu alayxi va sallam) odamlarning eng sahovatlisi edilar. U zotning sahovatlari Ramazon oyida – xar kecha Jabroil (alayxissalom) Qur'onni ta'lim berish uchun xuzurlariga tushadigan paytlarda – ayniqsa, ziyoda bo'lardi. Darxaqiqat, Alloxning rasuli (sollalloxu alayxi va sallam) odamlarga muruvvat ko'rsatishda shiddat bilan esayotgan shamoldan-da tez edilar” (Imom Buhoriy, Imom Muslim rivoyati).
Afsuski, xayotimizdagi barcha mayda ishlarni xam e'tibordan chetda qoldirmay xisob-qitob qilamiz-u, biroq ramazon oyi rejasini tuzishni unutamiz. Oqibatda dunyo va ohirat uchun foydali bo'lgan yahshilikdan beparvolik sababli maxrum bo'lamiz. Zero, ohiratning obodligi bu dunyoni obod qilish bilan boshlanadi. Abadiy saodatga erishish uchun ibodatlarni go'zal tarzda ado etishga odatlanish lozim. Shu sababli, mo'min-musulmonlarning Ramazon oyining xar bir kunduziyu kechasini o'tkazish tartibini rejalashtirib olishlari maqsadga muvofiq.
3.Ramazon va unga taalluqli bo'lgan masalalarni puhta o'zlashtirib oling.
Xar bir mo'min-musulmon Ramazon oyi ro'zasiga oid bo'lgan masalalarni bu oy kelmasidan avval yahshilab o'zlashtirib olishi kerak. Ro'zaning barcha qoidalarini tushunmay, unga ko'r-ko'rona amal qilish, go'yo mevasiz daraht kabi bo'ladi. Islom dini – ilm dini bo'lib, xar bir musulmon erkak va ayol o'zi uchun foydali va zararli narsalarni bilib olishi shart. Allox taolo bunday marxamat qiladi: «Bas, Agar bilmaydigan bo'lsangiz, zikr axlidan so'rangiz!» (Anbiyo, 7)
4.Ramazon ro'zasini tutishga holis niyat qiling.
“Xavo juda issiq, ro'za tutishga kuchim etmaydi” kabi turli baxonalar bilan bu oyning fazilatlaridan bebaxra qolmang! Agar ro'za tutishni holis Allox uchun ado etishni niyat qilsangiz, Alloxning o'zi engillik, baraka ato etadi.
5.Ramazon oyi kelayotganidan hursand bo'ling.Payg'ambarimiz (sollalloxu alayxi va sallam) Ramazon oyi kelsa, bahtiyor va hursand bo'lib ketar edilar. Payg'ambarimiz (sollalloxu alayxi va sallam) “Ramazon oyi keldi. Ramazon oyi Allox ro'za tutishni farz qilgan raxmat oyidir. Bu oyda jannat eshiklari ochilib, do'zah eshiklari berkitiladi”, der edilar. Payg'ambarimiz (sollalloxu alayxi va sallam)ning saxobiylari, tobeiylar bu oy kelishini intizorlik bilan kutishar edi.
6.Muborak Ramazon oyiga yetkazgani uchun Alloxga xamd ayting.
Chunki Allox sizni sog'-salomat bu oyga yetkazib, o'zining cheksiz raxmat va marxamatiga loyiq ko'rdi.