RAMAZON BAROKATI
RAMAZON BAROKATI
Ramazon ro'zasining xayratlantiruvchi jixatlari mudom meni tafakkurga boshlaydi. Aslida bu fazilatlarni ko'pchilik biladi, ammo men yana bir bor eslatishni ma'qul ko'rdim.
Ro'za ro'zador uchun nixoyatda zavqli, roxatbahsh ibodatdir. Ro'zador ruxiy xalovat ichida bo'ladi. Chunki o'zini yo'qdan bor qilgan Allox azza va jaallaning buyrug'iga itoat qilishning bahtiyorligini xis qiladi. Shuning uchun xam ro'za ro'zadorga roxat va xalovat bag'ishlaydi. Ro'zaning ortiqcha vazn va kasallikka doir parxezlardan muxim farqi borki, uni faqat va faqat xidoyatga musharraf bo'lganlargina tushunadilar. Ro'zador qalbidagi Alloxning roziligiga muvaffaq bo'lish istagi uni hushnud va mas'ud qiladi.
Ro'zadorning ochlikni xis qilmasligi chindan xam qiziq. Xolsiz bo'ladi, lanjlik xis qiladi, lekin ishtaxasi bo'lmaydi. Ro'zadorligimda, saxarlikka bir piyola suv ichib og'iz yopgan bo'lsam-da, ishtaxani qitiqlovchi is taratayotgan tamaddihonalar yonidan o'tib ketayotib, ochlikni xis qilmasligimni o'ylab ko'p muloxazaga tolaman. Xolbuki, Ramazondan boshqa kunlarda qornim to'q bo'lsa-da, nafsim mudom yahshi narsalar istagida bo'ladi. Chunki ochlik miyadan keladigan buyruqqa bog'liq va Ramazonda mo'minning miyasini iymoni boshqaradi, “O'zingni tut!” deya nafsiga xukm etadi.
Ro'za — mutloq ochlik emas. Ro'zadagi ochlik va tashnalik ma'lum vaqtlar uchun. Ro'zador saxar va iftorda tanovvul qilgan ozuqalardan o'ziga kerak bo'lgan protein va vitaminlarni qabul qiladi. Ro'zadorlarda kam ovqatlanish yuzaga kelmaydi. Kundalik faoliyatlarini shu yo'nalishda davom ettira oladi. Inson organizmi faoliyatiga xech qanday salbiy ta'sir bo'lmaydi.
Ro'zadorligimizda moddalar almashinuvi davom etadi. Chetdan ozuqa kelmagani uchun tana o'z moddalarini, to'qima va xujayralarini va ayniqsa me'yordan oshiqcha yog'larni sarflab, xazm jarayonini davom ettiradi. Ammo tana bu ishni to'g'ridan to'g'ri bajarmaydi. Avval kasal, qari va o'lik xujayralarni yo'qotadi. Bu esa vujudimizning yosharishi, yangilanishi va qon yangilanishiga sabab bo'ladi. Shuning uchun xam Payg'ambarimiz sollalloxu alayxi vassalam “Ro'za tuting, sixxat topasiz” deya marxamat qilganlar.
Ro'zadorlikda miya zaxira moddalardan foydalanib bir maromda ishlashda davom etadi. Insonda aqliy qobiliyat etishmasligi kabi nuqsonlar kuzatilmaydi. Aksincha, kundalik stresslar kamaygani uchun fikrlash qobiliyati ortadi.
Ro'za vujudimizni ortiqcha va keraksiz moddalardan tozalaganidek, o'zligimizni xam ma'naviy zararlardan poklaydi, ruximizga qo'ngan dunyo g'uborlarini aritadi.
Allox xar bir mo'min va mo'minani O'zi farz qilgan Ramazon ro'zasini mukammal tutishga qodir qilsin! Ibodatlarda bizga quvvat va rag'bat ato etsin! Gunoxlarimizni mag'firat qilib, bir oylik musulmonlarni ikki dunyolik musulmonlarga aylantirsin! Amiyn!