2019 yilgi zakot, fitr sadaqa va fidya miqdori
O'zbekiston musulmonlari idorasi Fatvo xay'atining 2019 yilgi zakot, fitr sadaqa va fidya miqdori bo'yicha
QARORI
O'zbekiston musulmonlari idorasi Fatvo xay'atining milodiy 2019 yil (xijriy 1440 yil) uchun ZAKOT nisobi 1 gramm tilloning bugungi kunda bozorlarimizdagi o'rtacha narhi 200 000 (ikki yuz ming) so'm ekanligini e'tiborga olib, zakot nisobi 85 (sakson besh) gramm tillo, ya'ni 17 000 000 (o'n etti million) so'm deb belgilangani va mazkur summaning qirqdan bir (1/40) xissasi, ya'ni 425 000 (to'rt yuz yigirma besh ming) so'mni zakot niyatida chiqarilishi xaqidagi hulosasi ma'qullansin.
Ma'lumki, fitr sadaqasi Payg'ambarimiz sallalloxu alayxi vasallamning xadislariga binoan to'rt narsadan chiqariladi. Ular bug'doydan yarim so', arpadan bir so', mayizdan yarim so' va hurmodan bir so'dir. Bir so' taqriban (≈) 4 kilogrammdir.
Shunga ko'ra, bu yilgi FITR sadaqasining miqdori Toshkent shaxar bozorlaridagi narhga ko'ra:
≈ 2 kilogramm bug'doydan 6 000 (olti ming) so'm;
≈ 4 kilogramm arpadan 10 000 (o'n ming) so'm;
≈ 2 kilogramm mayizdan 70 000 (etmish ming) so'm;
≈ 4 kilogramm hurmodan 100 000 (yuz ming) so'm bo'ladi.
Xar kim o'z imkoniyatiga qarab ushbu to'rt maxsulotning hoxlagan bir turidan fitr sadaqasini bersa kifoya.
Bu yilgi FIDYa miqdori bir miskinning bir kunlik oziq-ovqati barobarida bo'lib, uning o'rtacha qiymati 15 000 (o'n besh ming) so'm, deb belgilansin.
Usmonhon ALIMOV
O'zbekiston musulmonlari
idorasi raisi, muftiy