Улуғбек Раҳматуллаев - Ота-онам хожи қиламан

Сўзим боши – бисмиллоҳ,
Холис ниятим ҳамроҳ.
Насиб айласа Аллоҳ,
Онам хожи қиламан,
Отам хожи қиламан.

Борлигимга сабабим,
Меҳри кўнглим тарафим,
Фарзанд қарзим, шарафим –
Онам хожи қиламан,
Отам хожи қиламан.

Жаннат онам пойида,
Отамнинг дуойида,
Менга энг улуғ фойда –
Онам хожи қиламан,
Отам хожи қиламан.

Онам менинг, жаннатим калитисиз,
Отам менинг, елкамда қанотимсиз.
Онам менинг, жаннатим калитисиз,
Отам менинг, елкамда қанотимсиз.

Армон белин синдириб,
Елкам узра миндириб,
Каъбани айлантириб,
Онам хожи қиламан,
Отам хожи қиламан.

Дунёдаги ишим шу,
Болалик хоҳишим шу,
Энг ширин ташвишим шу –
Онам хожи қиламан,
Отам хожи қиламан.

Жаннат онам пойида,
Отамнинг дуойида,
Менга энг улуғ фойда –
Онам хожи қиламан,
Отам хожи қиламан.

Онам менинг, жаннатим калитисиз,
Отам менинг, елкамда қанотимсиз.
Онам менинг, жаннатим калитисиз,
Отам менинг, елкамда қанотимсиз.

Шу ўй тарк этмас мени,
Бу фурсат кутмас мени,
Тавоф қилиб Маккани,
Онам хожи қиламан,
Отам хожи қиламан.

Барча ғамлардан кечиб,
Елка, қўлларин қучиб,
Кафтида замзам ичиб,
Онам хожи қиламан,
Отам хожи қиламан.

Онам менинг, жаннатим калитисиз,
Отам менинг, елкамда қанотимсиз.
Онам менинг, жаннатим калитисиз,
Отам менинг, елкамда қанотимсиз.