Сардор Раҳимхон - Фариштам

Ривоят қилишларича: Дунёга келишга ҳозирланаётган чақалоқ, Тангри Таолодан со`ради:
“Аллоҳим, мени дунёга келтиришинг ҳақида айтишди. Аммо у ерда қандай яшайман? Ҳали жуда кичик ва кучсиз бо`лсам.”
– Қо`рқма, – деган жавоб бо`лди унга. – Фаришталаримдан бири ҳамиша олдингда бо`лади. У сени яхши ко`ради. Асраб авайлайди. Унинг кучли муҳаббатини доимо ҳис қилиб турасан. Ва бу билан бахтли бо`ласан.
– Лекин инсонлар менга гапиришса, уларни қандай тушунаман? Ахир тилларини билмайманку?
– Ёнингдаги фариштанг сенга дунёдаги энг го`зал ва ёқимли со`зларни сабр-тоқат, муҳаббат ила о`ргатади.
– Агар Сен билан гаплашишни истасамчи, унда нима қиламан?
– Фариштанг сенинг қо`лларингни очиб, менга дуо қилишни о`ргатади.
– Аммо, аммо дунёда ёмон инсонлар ҳам бор деб эшитдим. Уларнинг ёмонлигидан мени ким қутқаради?
– Фариштанг то ёнингда экан, ҳар доим сени улардан асрашга интилади.
– Ҳаммаси яхшику, фақат Сени ко`ра олмаслигимдан маҳзунман.
– Г`ам ема, фариштанг сенга мен ҳақимда гапириб беради. Ва менга етишиш ё`лларини о`ргатади.
Чақалоқ ёруг` дунёга кетишга чог`ланаркан, қалбидаги энг со`нгги саволга ҳам жавоб олишга интилди:
– Аллоҳим, Фариштамнинг исми нима?
– “Фариштанг”. Фариштанг исмини билишинг шарт эмас. Сен уни “Онажон” деб чақирасан…