Муҳаббат

Муҳаббат, сен чиройли, Муҳаббат, сен гозалсан.
Тагин бир зум турайлик, Гапирмайман, уялсанг...
Сонг кетармиз. Сездимки Мен орзуга етмадим.
Сени шундай севдимки Қўлингдан ҳам тутмадим.
Қўлинг... сенинг қўлларинг, Мулойимдир, эҳтимол.

Айри тушди йўлларим, Севар ёрим, яхши қол.
Муҳаббат, унут мени, Ва мен ҳам... унутмайман.
Тушларингда кут мени, Тушларингга киргайман...
Муҳаббат, сен чиройли, Муҳаббат, сен гозалсан.
Кел, ко`ришиб турайлик, Саломлашмай, уялсанг.

Мухаммад Юсуф