Мен сизни ҳали ҳам ўйлайман

Шамоллар сўрайди ҳолимни,
Беғубор ишкимиз сўйлайман.
Кечиринг мен ошик золимни,
Мен сизни ҳали ҳам ўйлайман.

Ҳолимга боқмайди ҳеч биров,
Соғинчдан самога бўйлайман,
Унутиб кечдингиз сиз дарров,
Мен сизни ҳали ҳам ўйлайман.

Сиз билан кетди-ку баҳорлар,
Кўкларга соврилди изҳорлар,
Ўкситиб соғинчу ҳуморлар,
Мен сизни ҳали ҳам ўйлайман.

Тунлари ҳаёлдан кетмайсиз,
Севдим деб бир ҳушнуд этмайсиз,
Лек менсиз баҳтга сиз этмайсиз,
Мен сизни ҳали ҳам ўйлайман.

Ҳеч санам бўлмади сизнингдек,
Бевафо ёр йўкдир бизнингдек,
Сиз майли мен ёрдан кечинг лек,
Мен сизни ҳали ҳам ўйлайман.

Сиз менинг тилларда тилагим,
Сизсиз ҳеч ҳаёт йўк керагим,
Йўк сизсиз урмайди юрагим,
Мен сизни ҳали ҳам ўйлайман.

Кезаман биз юрган боғларни,
Қумсайман баҳтиёр чоғларни,
Юволмай дилдаги доғларни,
Мен сизни ҳали ҳам ўйлайман.

Дил уйим эҳ сизсиз вайрона,
Ўртада битта ишк ҳайрона.
Излайман мен ҳамон сарсона,
Мен сизни ҳали ҳам ўйлайман.

Ўтмокда кунимдан кун оғир,
Юлдузин яширар тун оғир,
Сизсизлик қийнайди дил оғрир,
Мен сизни ҳали ҳам ўйлайман.

Унутмок истадим чора йўк,
Аламдан узимга килдим дўк,
Юракни тирнайди битта ўк,
Мен сизни ҳали ҳам ўйлайман.

Қайларда қолди ёр аҳдимиз,
Висолга илинган шаҳдимиз,
Ошиқ дер бир эди баҳтимиз,
Мен сизни ҳали ҳам ўйлайман.