Мен кетяпман

Кўзда ёшлар қотиб қолсин,
Сўнги тонглар мудрамасдан отиб қолсин,
Тош дийдангиз армонларга ботиб қолсин,
Кетаяпман сиздан кечиб...

Кўкда сузган парқу булут тарқаб кетсин,
Кунлар келиб «ох»ларингиз кўкка етсин,
Розиман-эй, кунларингиз менсиз ўтсин,
Кетаяпман сиздан кечиб...

Ёмонларнинг нағмасига минг йўрғалаб,
Андармонсиз ёлғон ишқни сиз эркалаб,
Увол бўлган мухаббатга қўл силталаб,
Кетаяпман сиздан кечиб...

Озорингиз энди қалбдан ўчирмайман,
Изхоримни байтларимга кўчирмайман,
Минг ёлворинг, ҳатоингиз кечирмайман,
Кетаяпман сиздан кечиб...

Дунё беранг, бехис энди кўзларима,
Мунг уялаб олди қаранг, юзларима,
Интиқ бўлинг энди ширин сўзларима,
Кетаяпман сиздан кечиб...

Оймомога суйлай энди сирларимдан,
Мунчоқ қилиб тақай андух, зорларимдан,
Рози бўлиб ўша йўғ-у борларимдан,
Кетаяпман сиздан кечиб...

Озорлардан бу вужудим дийдирайди,
Бир бурчакда ўксик нигох жовдирайди,
Келақол, ишқ олиб кетай сени майли,
Кетаяпман сиздан кечиб...

Кечирмайман, келиб бир кун зорлар қилинг,
Кўз ёш тўкинг, минг ёлвориб, минг ўргилинг,
Юрагимга ишқимизни солиб билинг,
Кетаяпман сиздан кечиб...