Гулсанам Мамазоитова - Ойдан тушган эмас

Мевасин еб боғини ҳам сўраб қўйгин,
Керак бўлса, боғ атрофин ўраб қўйгин,
Ниҳолларинг кокилларин тараб қўйгин, тараб қўйгин.
Бу бинолар қайдан бино бўлди экан?
Ким боболар қаддин расо қилди экан?
Нечун бизни бутун дунё билди экан, билди экан?
Ҳеч кимни бахт ўз-ўзидан қучган эмас,
Қуш ҳам кўкка машаққатсиз учган эмас.
Ойдин тунлар, осойишта, тиниқ тонглар
Ойдан тушган эмас, кўкдан тушган эмас.
Ойдан тушган эмас, кўкдан тушган эмас,
Озодлик ҳам, ободлик ҳам ўзи келмас.
Ойдан тушган эмас, кўкдан тушган эмас,
Ойдин тунлар, осойишта, тиниқ тонглар.
Эртакларда мўжизалар сеҳр сабаб,
Гулу гиёҳ кўкаргайдир меҳр сабаб,
Тафаккурнинг ҳурлигига недир сабаб, недир сабаб?
Ўн саккизга кирган йигит сўзига боқ,
Юзига боқ, олов ёнган кўзига боқ,
Бу энг буюк хазинадир, дўстим бироқ, дўстим бироқ.
Шижоатнинг, жасоратнинг маҳсули бу,
Ироданинг, заковатнинг маҳсули бу.
Улуғ инсон танлаб олган ҳақ йўли бу,
Ўзбекистон, бундайин бахт ўзи келмас,
Ойдан тушган эмас, кўкдан тушган эмас.
Ойдан тушган эмас, кўкдан тушган эмас,
Озодлик ҳам, ободлик ҳам ўзи келмас.
Ойдан тушган эмас, кўкдан тушган эмас,
Ойдин тунлар, осойишта, тиниқ тонглар. (х2)
Ойдин тунлар, осойишта, тиниқ тонглар… {х2}