Нечун келмадинг

Сени кутдим, кутдим кўп узоқ
Йўлларингга кўзларим муштоқ
Келишингдан айлабон огоҳ
Бевафо ёр нечун келмадинг?

Юрагимни қилдинг минг пора
Нечун кўнглинг бўлди қоп-қора
Топилдими севгига чора
Бевафо ёр нечун келмадинг?

Вадангга сен вафо қилмадинг
Сенга бўлган севгим билмадинг
Юрагимни ёндириб ўтда
Бевафо ёр нечун келмадинг?

Юрагингда борми ўзга ёр
У бўларми сенга вафодор?
Қора тунлар ўтдику бедор
Бевафо ёр нечун келмадинг?

Кутиб, кутиб толди кўзларим
Армон бўлиб қолди сўзларим
Пинҳон ётар дилда бўзларим
Бевафо ёр нечун келмадинг?