Кимгадир шодликсан, ким учун қайғу

Борлиқни жумбушга келтирсанг нима
Сенгамас дўстликка кўнглим очардим
Тутқунлик одати ахир сенга хос.
Эркинлик дардида сендан қочардим.

Муҳаббат айт кимни бахтиёр қилдинг.
Тополсам у ҳақда достон ёзардим.
Кимнидир ўлдирдинг, ҳокисор қилдинг.
Агар шундай бўлмаса дардинг олардим.

Етар бас, сени ҳеч тўхтатмас киши.
Манзилинг бе макон, меҳрсиз туйғу.
Ҳар фасл яшнайсан: баҳор, ёз, қиши.
Кимгадир шодликсан, ким учун қайғу…