Эслаб юрибман...

Эй кўзлари шаҳло қиз,
Эй дунёда танҳо қиз,
Сен ҳақингда бир оғиз
Сўзлаб юрибман...

Қилсам хушомад турли,
Нигоҳинг недан сирли?!
Мендан кичик бўлсанг-да,
Сизлаб юрибман...

Сен мен учун бир хаёл,
Шоирам, юзи зилол!
О, Сени мажнунлар мисол,
Излаб юрибман...

Ҳар куни сени қўмсаб,
Ҳар куни сени ўйлаб,
Юзинг тўсган рўмолинг
Кўзлаб юрибман...

Тароватинг маст этган,
Халоватим тарк этган,
Орзуларим ғарқ этган,
Эслаб юрибман...