Сенсиз баҳорларим кузланиб қолди

Қароғимга сиғмас меҳр деган ҳис,
Оташ тиғла қалбим музланиб қолди.
Кесишмас йўлларда қолдик иккимиз,
Сенсиз баҳорларим кузланиб қолди.

Умид-қанотлари қирқилган қушдек,
кўзёшлар дардимни аритолмайди.
Ўн беши қоронғу қолган ойми, ишқ-
Кўнгил уйларини ёритолмайди.

Шабнам-балки юрак тўкаётган ёш,
Бахтимга не бўлди кўзландими у ?
Кўзёшларда қотиб қолгандай қуёш,
Сен унинг тафтини изламадингми?

Ўтли туйғулардан қолгани кулдир,
Тақдир рўёларга юзланиб қолди.
Кетма...настариннинг бўйларин келтир,
Сенсиз баҳорларим кузланиб қолди.