Ватанда

Нечун келмадинг…???

11-июн, 2018 2.2К марта ўқилди

Сени кутдим, кутдим кўп узоқ
Йўлларингга кўзларим муштоқ
Келишингдан айлабон огоҳ
Бевафо ёр нечун келмадинг?

Юрагимни қилдинг минг пора
Нечун кўнглинг бўлди қоп-қора
Топилдими севгига чора
Бевафо ёр нечун келмадинг?

Ваъдангга сен вафо қилмадинг
Сенга бўлган севгим билмадинг
Юрагимни ёндириб ўтда
Бевафо ёр нечун келмадинг?

Юрагингда борми ўзга ёр
У бўларми сенга вафодор?
Қора тунлар ўтдику бедор
Бевафо ёр нечун келмадинг?

Кутиб, кутиб толди кўзларим
Армон бўлиб қолди созъларим
Пинҳон ётар дилда бўзларим
Бевафо ёр нечун келмадинг?

Телеграм ВҳатсАпп