Менга жуда кераксан...

Кўксимдаги юраксан,
Мени қийнаб ҳалаксан,
Тушунгин ахир бугун,
Менга жуда кераксан.

Куйдиради ёлғизлик,
Тўйдиради ёлғизлик,
Ўлдиради ёлғизлик,
Менга жуда кераксан.

Бошингга бўлайин тож,
Севгим билан тўлаб бож,
Васлинг дилга эҳтиёж,
Менга жуда кераксан.

Гуллади қайғуларим,
Йиғлади туйғуларим,
Келмади уйқуларим,
Менга жуда кераксан.

Бўғзимда нафас каби,
Энг катта ҳавас каби,
Ёлғони йўқ рост каби,
Менга жуда кераксан.

Кўксимдаги юраксан,
Мени қийнаб ҳалаксан,
Тушунгвд ахир бугун,
Менга жуда кераксан.