Сен бахтингни топишинг керак!

​​Дардлар сенга соя солса ҳам,
Доим қувнаб юришинг керак.
Бахтга етиш қийин бўлса ҳам,
Сен бахтингни топишинг керак!

Тўлиб кетса аламга юрак,
Аламларни енгишинг керак.
Синган кўнглинг бўлсада ҳалак,
Сен бахтингни топишинг керак!

Сен бахтиёр бўлмасанг бугун,
Қалбим таскин топмаса керак.
Мен бахтиёр бўлишим учун,
Сен бахтингни топишинг керак!

Бир ёнимга келолмасанг ҳам,
Менга бахтлар беролмасанг ҳам,
Майли мени Эсламасанг хам,
Сен бахтингни топишинг керак!