Етар қийналиб кетдим

Қалбим азобга қўйдим.
Барин тақдирга йўйдим.
Бари-баридан тўйдим.
Етар қийналиб кетдим!

Ҳар неда ҳам охир бор.
Юраккинам йиғлар зор.
Бу дунё мен учун тор.
Етар қийналиб кетдим!

Не истар ўзи ҳаёт.
Нега меҳр унга ёт.
Истамай чекдим фарёд.
Етар қийналиб кетдим.

Бағрим тирнайди ҳижрон.
Нега ҳам бора армон.
Жонимга тегди ёмон.
Етар қийналиб кетдим.

Адо бўлдим етар бас.
Менга ҳеч не керакмас.
Ортиқ бардошим етмас.
Етар қийналиб кетдим.

Ўзим қийнаб қўймайман.
Юрак-бағрим тилмайман.
Бўлди энди севмайман.
Етар қийналиб кетдим.