Соғинмадингми

Ҳамон сенда кўнглим,
Ё билмадингми?
Олисдаги севгилим,
Соғинмадингми?

Қалбимга кириб армон,
Мени қийнайди ҳар он,
Висолинг насиб қачон,
Соғинмадингми?

Тунлар ўртанар юрак
Унга фақат сен керак,
Борлигингдан бер дарак,
Соғинмадингми?

Қовриляпман қонимга,
Қарагин аҳволимга,
Келмайсан ҳеч ёнимга,
Соғинмадингми?

Ойлар бўлди кўрмадим,
Йиллар бўлди кўрмадим,
Сени жуда соғиндим,
Соғинмадингми?

Танамни босиб титроқ,
Қийнайди мени фироқ,
Кўнглим ёритмас чироқ,
Соғинмадингми?

Қоронғу кеча кундузим,
Кўринмас менинг юлдузим,
Чиройлигим ой юзлигим,
Соғинмадингми?

Менсиз бутунми баҳтинг,
Ёлғонми дилда аҳтинг,
Дейди ошиқ Бакирингни,
Соғинмадингми?