Муҳаббат доғида куйгандим қанча

Муҳаббат доғида куйгандим қанча,
Яна ишқ савдоси тушди бошимга.
Қайғудан юрагим бўлса ҳам парча,
Холимни сўрамадилар келиб қошимга.

Дунёда муҳаббат бормикан асли?
Орзулар оғушига етмади қўлим.
Излаган ёримнинг қайдакан васли?
Дилгинам изтиробга тўла лимо-лим.

Мажнунтол бўйларин чўзиб юзимга,
Ёшларим артади таскинлар бериб.
Қуёш ҳам нур сочиб, сўлиқ юзимга,
Қувончин бахш этар, гардишин кериб.