Muhabbat dogʻida kuygandim qancha

Muhabbat dogʻida kuygandim qancha,
Yana ishq savdosi tushdi boshimga.
Qaygʻudan yuragim boʻlsa ham parcha,
Xolimni soʻramadilar kelib qoshimga.

Dunyoda muhabbat bormikan asli?
Orzular ogʻushiga yetmadi qoʻlim.
Izlagan yorimning qaydakan vasli?
Dilginam iztirobga toʻla limo-lim.

Majnuntol boʻylarin choʻzib yuzimga,
Yoshlarim artadi taskinlar berib.
Quyosh ham nur sochib, soʻliq yuzimga,
Quvonchin baxsh etar, gardishin kerib.