Мухаббат – кўзларим тубидаги гул

Мухаббат – кўзларим тубидаги гул,
Кўнглимни қуёшга тутган, азизам.
Ўзимга ўзимни танитиб баъзан,
Ўзимдан ўзимни кутган, азизам.

Фақат борлигинга келтирмай иймон,
Бу телба байтлардан кулмоқлик оғир.
Бугун хилхоналар, мозорлар қолиб,
Ман сени ичимга кўмяпман, ахир.

Токи хаёлларда кезиб дарбадар,
Кўзларим ёшига кетай қоришиб.
Қийматин топмаган умрим борини,
Битта ёлгонинга қўйдим алишиб.

Мухаббат – қалбимнинг қасридаги куй,
Манглайи тундай қора фариштам.
Риштаи жонимга туташиб кетган,
Қаноти минг битта яра фариштам...!